Свет11

«Усё цудоўна». 81-гадовы Байдэн здаровы і энергічны, заявіў яго лекар пасля медагляду

Доктар прэзідэнта ЗША Джо Байдэна па выніках штогадовага медыцынскага абследавання заявіў, што яго здароўе дазваляе яму выконваць абавязкі кіраўніка дзяржавы, і ніякіх новых праблем падчас медагляду выяўлена не было, піша Бі-бі-сі.

Фота: Evan Vucci / AP

81-гадовы Байдэн, здароўе якога знаходзіцца пад пільнай увагай перад лістападаўскімі выбарамі, прайшоў абследаванне ў сераду ў вайсковым шпіталі ў штаце Мэрыленд і заявіў, што ён у поўным парадку.

«Усё цудоўна», — сказаў Байдэн, дадаўшы, што вынікі апошніх аналізаў нічым не адрозніваюцца ад леташніх.

Доктар Белага дома Кевін О'Конар паведаміў, што Байдэн «цалкам выконвае ўсе свае абавязкі без якіх-небудзь выключэнняў», ён здаровы, энергічны і «працягвае займацца спортам не менш за пяць дзён на тыдзень».

Паводле яго дадзеных, прэзідэнт працягвае лячыцца ад мігацельнай арытміі, прымаючы прэпараты для разрэджвання крыві, а таксама ад гастраэзафагеальнага рэфлюксу і гіперліпідэміі.

У справаздачы гаворыцца, што падрабязнае неўралагічнае абследаванне не выявіла ніякіх прыкмет хваробы Паркінсана. Байдэн таксама прайшоў планавае абследаванне на прадмет рака скуры.

У пачатку лютага Джо Байдэн абрынуўся з крытыкай на расследаванне, якое паказала, што ён парушаў правілы абыходжання з сакрэтнымі дакументамі, а ў ходзе допытаў не мог успомніць ключавыя падзеі свайго жыцця з-за праблем з памяццю.

«Як, чорт вазьмі, ён смее падымаць гэтае пытанне? — сказаў Байдэн, маючы на ўвазе спецпракурора Роберта Хура, які назваў Байдэна «пажылым чалавекам з добрымі намерамі і дрэннай памяццю». — Мне не патрэбныя яго рэкамендацыі».

Міністэрства юстыцыі ЗША заявіла, што не будзе прад'яўляць абвінавачванні прэзідэнту па гэтай справе.

Каментары1

  • American
    29.02.2024
    Однако когнитивный тест делать не стали. Он не по пять раз спортом занимается, его учать ходить чтобы он не упал на публике, начинают сразу как проснеться.

Цяпер чытаюць

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска1

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Усе навіны →
Усе навіны

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай25

«Дзякуй жанчынам, якія дачакаліся». Tor Band паказалі сваю першую рэпетыцыю3

больш чытаных навін
больш лайканых навін

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска1

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Галоўнае
Усе навіны →

Заўвага:

 

 

 

 

Закрыць Паведаміць