Бацька ў Польшчы выклікаў паліцыю на 4-гадовую дачку. Ён паведаміў ім пра хатні гвалт
Незвычайнае здарэнне адбылося ў Аструве Велькапольскім. Дзіця ўкусіла бацьку, а той выклікаў на яго паліцыю.
Як паведамляе ostrow24.tv, калі бацька гуляў з чатырохгадовай дачкой, тая ўкусіла яго. Заўвагі, што так рабіць нельга, яна не ўспрымала ўсурʼёз. Паколькі да дачкі не даходзіла, што так рабіць нельга, мужчына вырашыў паведаміць пра гэта па нумары службы экстраннай дапамогі аб хатнім гвалце.
Паліцыянты, што прыехалі на выклік, са здзіўленнем высветлілі, што ахвярай хатняга гвалту стаў бацька, а нападнік — 4-гадовая дзяўчынка. Бацька патлумачыў ім, што разлічвае на іх і што самыя сапраўдныя паліцыянты змогуць паўплываць на выхаванне яго дачкі.
Дачка, на шчасце, як піша выданне, не была арыштаваная, таксама не была рэалізаваная працэдура сіняй карты (хатні гвалт), як і не было накладзена штрафу на бацьку за неабгрунтаванае паведамленне. Паліцыянты патлумачылі дзяўчынцы, што так рабіць нельга. Па іх словах, гэта быў такі першы выклік у іх працы.
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары