Анастасію Малевіч асудзілі 21 лютага.
Акрамя «народных» артыкулаў 24.23 (несанкцыянаванае пікетаванне) і 19.11 КаАП (распаўсюд экстрэмісцкіх матэрыялаў), людзей актыўна прыцягваюць да адказнасці за «дробнае хуліганства» (арт. 19.1 КаАП) і за «непадпарадкаванне міліцыянтам» (арт. 24.3 КаАП). Але па гэтых артыкулах у абсалютнай большасці судзяць у Мінску.
Так, напрыклад, у судзе Заводскага раёна Мінска 21 лютага асудзілі Анастасію Малевіч.
Супраць яе склалі пратакол паводле арт. 24.3 КаАП нібыта за перашкоду міліцыянтам раніцай правесці ператрус у яе кватэры, а таксама яна нібыта «ўпіралася нагамі і не ўпускала ў кватэру, з мэтай утойвання зброі і сродкаў здзяйснення злачынства, а менавіта мабільнага тэлефона».
Суд прызначыў ёй сем сутак арышту, піша «Вясна».
Цяпер чытаюць
Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска6
Каментары