Украіна прабілася на Еўра-2024, паваліўшы Ісландыю за 5 хвілін да канца матча
У другім фінале стыкавых матчаў палякі перамаглі па пенальці Уэльс.
Украіна і Ісландыя не здолелі трапіць на чэмпіянат Еўропы па футболе праз звычайны адбор, таму мелі другі шанец праз стыкавыя матчы — так званы шлях B.
Ісландцы на мінулым тыдні выйгралі на нейтральным полі ў Ізраіля 4:1, а Украіна перамагла Боснію — 2:1.
Сёння Украіна і Ісландыя сустрэліся на нейтральным полі ў Польшчы.
Як з Босніяй украінцы першымі прапусцілі, а потым высілкамі Віктара Цыганкова і Міхаіла Мудрыка перамаглі — 2:1.
Украіна едзе на чэмпіянат Еўропы па футболе, які ўлетку пройдзе ў Нямеччыне.
Нашы паўднёвыя суседзі будуць гуляць у групе з Бельгіяй, Славакіяй і Румыніяй.
Апошнім удзельнікам Еўра-2024 стала Польшча, якая ў серыі пенальці ў Кардыфе выйграла ва Уэльса — 5:4.
Чэмпіянат Еўропы па футболе пройдзе з 14 чэрвеня па 14 ліпеня ў Нямеччыне. Матчы пройдуць на стадыёнах Берліна, Дортмунда, Дзюсельдорфа, Франкфурта, Гамбурга, Кёльна, Лейпцыга, Мюнхена і Штутгарта.
Група А: Нямеччына, Шатландыя, Венгрыя, Швейцарыя.
Група В: Іспанія, Харватыя, Італія, Албанія.
Група С: Англія, Славенія, Сербія, Данія.
Група D: Польшча, Нідэрланды, Францыя, Аўстрыя.
Група Е: Бельгія, Славакія, Румынія, Украіна.
Група F: Партугалія, Турцыя, Грузія, Чэхія.
Цяпер чытаюць
Пракурор просіць для экс-памочніка Лукашэнкі Ігара Брыло 12 гадоў зняволення4
Каментары