«З добрай энергетыкай». У Гродне прадаецца кватэра, у якой жыў Васіль Быкаў
Гэта першая ўласная кватэра Васіля Быкава ў Гродне.
«У самым цэнтры горада, на вул. Вялікая Траецкая, д. 28, у цагляным 3-павярховым доме 1958 г. п., на высокім першым паверсе прапануецца 3-пакаёвая кватэра. У гэтай кватэры жыў вядомы беларускі пісьменнік В. Быкаў», — гаворыцца ў аб'яве.
Агульная плошча 59,9 м кв., жылая — 40,8 м кв., прахадная зала — 15,7 м кв., спальныя пакоі — 14,0 м кв. і 11 мкв, кухня — 6,2 м.кв. Вышыня сцен — 3,08 м. Выкананы як капітальны рамонт дома, так і пад'езда.
Як гаворыцца ў аб'яве, кватэра вельмі светлая, цёплая, утульная, з жылым рамонтам, з добрай энергетыкай.
За яе просяць каля 65 тысяч долараў.
Гэта першая ўласная кватэра, у якой жыў Васіль Быкаў у Гродне. Тут ён напісаў творы: «Жураўліны крык», «Трэцяя ракета», «Альпійская балада», «Сотнікаў» і іншыя.
Васіль Быкаў жыў у Гродне 25 гадоў — з 1947 па 1949 і з 1955 па 1978 год.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары