Колькі далі п'янаму мінчуку, які ўдарыў «ружачкай» выпадковага чалавека? Гэта ж не палітыка, таму яго пакінулі дома
Суд разгледзеў крымінальную справу 24-гадовага мінчука, якога вінавацілі ў асабліва злосным хуліганстве.
Раніцай у адзін з дзён снежня 2023 года мінчук выйшаў з дома на працу. Раптам з-за кута дома па завулку Кабушкіна выйшаў п'яны персанаж у майцы.
Гэты персанаж падышоў да мінчука і, нічога не кажучы, ударыў горлышком разбітай бутэлькі ў левы бок і руку, парваўшы куртку.
Мінчук кінуўся бегчы, але злачынец рушыў услед за ім. Тады мужчына зняў заплечнік і стаў адбівацца ад яго. Калі нападнік сышоў, мінчук патэлефанаваў у міліцыю.
Агрэсіўнага персанажа знайшлі па камерах назірання і затрымалі. Ён распавёў, што напярэдадні сустракаўся з сябрамі і перабраў з алкаголем. У выніку прызнаў віну і заплаціў ахвяры нейкія грошы.
Што вырашыў суд? Пакаранне гуманнае — тры з паловай гады хатняй хіміі.
Хоць па артыкуле за асабліва злоснае хуліганства пагражала ад 3 да 5 гадоў хіміі ці ад 3 да 10 гадоў калоніі.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары