Ціханоўская: Сяргея ўвесь гэты час трымаюць у адзіночнай камеры
Апошнімі навінамі, калі іх наогул можна назваць навінамі, Святлана Ціханоўская падзялілася для падкаста Радыё Свабода «Архіпелаг БЕЛАГ».
«Я ўпэўнена, што Сяргея спрабуюць запэўніць, што пра яго ўсе забыліся, што не варта было нават лезці», — кажа яна.
Лідарка дэмакратычных сілаў Беларусі Святлана Ціханоўская апісвае ўмовы, у якіх знаходзіцца ў жодзінскай турме ў адзіночнай камеры яе муж Сяргей Ціханоўскі (навін ад яго даўно няма, таму Святлана грунтуецца на звестках, якія даходзілі раней, пакуль сувязь не была страчана):
«Сяргей знаходзіцца ў зняволенні больш за тры гады. І ўвесь гэты час ён у адзіночнай камеры… Больш за год не прымаюць грошы Сяргею, і я ня ведаю нават, ці ёсць у яго зубная паста, туалетная папера, дзе ён гэта бярэ. Але ж людзей, як Сяргей, тысячы ў турмах. І кожны чалавек — гэта боль у сэрцы», — адзначае Святлана Ціханоўская.
Сяргея Ціханоўскага затрымалі ў выніку правакацыі падчас перадвыбарчага пікета ў Гродне 29 мая 2020 года і праз паўтара года асудзілі на 18 гадоў зняволення. Потым дадалі яшчэ год.
У ліпені 2023 года пасля таго як пайшлі чуткі пра яго смерць сілавікі апублікавалі відэа з камеры з датай 5 ліпеня 2023 года, дзе Ціханоўскі робіць фізічныя практыкаванні і потым есць.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х77
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х7
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары
Святлана мужна чакае сканчэння тэрміну зняволення Сяргея і любіць яго, бо ходзіць на спатканні з лідэрамі свету з партрэтам мужа.