Грамадства2222

Ціханоўская: Мы дагэтуль не ведаем, чаго хоча рэжым, палітвязні для яго цяпер не праблема

Святлана Ціханоўская расказала, да каго звярталіся дэмсілы, каб вызваліць палітвязняў. І заклікала ўмяшацца сакратара ААН Антоніа Гутэрыша.

8 сакавіка спаўняецца год, як Сяргей Ціханоўскі знаходзіцца ў рэжыме інкамунікада — без сувязі са знешнім светам. Каб нагадаць пра яго і іншых палітвязняў у такім становішчы, Святлана Ціханоўская сустрэлася сёння з журналістамі.

Святлана адзначыла, што за гэты год атрымлівала толькі непацверджаныя звесткі пра тое, што Ціханоўскі нібыта памёр, і бачыла адно відэа, на якім яго ледзь пазнала.

Сяргей Ціханоўскі — не адзіны беларускі палітвязень без сувязі са знешнім светам. Год нічога не вядома пра Віктара Бабарыку, Марыю Калеснікаву, Максіма Знака, Ігара Лосіка і іншых палітзняволеных.

Святлана называе інкамунікада спосабам катавання, які ўздзейнічае не толькі на палітвязняў, але і на іх сем’і.

Ціханоўская звярнулася да генеральнага сакратара ААН Антоніа Гутэрыша з просьбай умяшацца і патрабаваць спыніць палітыку інкамунікада ў беларускіх турмах. Яна падкрэслівае, што гэта не палітычнае пытанне, а гуманітарнае.

Таксама Ціханоўская заклікае ўрады замежных краін зрабіць пытанне палітвязняў сваім прыярытэтам і патрабаваць выканання запыту Камітэта ААН па правах чалавека аб тэрміновых мерах па справах Віктара Бабарыкі, Максіма Знака і Сяргея Ціханоўскага, а таксама выставіць ультыматум рэжыму Лукашэнкі з патрабаваннем паказаць палітвязняў, пра якіх нічога не вядома.

Ціханоўская выказалася наконт перспектывы вызваліць палітвязняў шляхам перамоў:

«За гэтыя чатыры гады мы рабілі шмат захадаў, каб вызваліць палітзняволеных, хаця б тых, хто быў у гуманітарным спісе. У тым ліку мы звярталіся да Чырвонага Крыжа, Папы Рымскага. Але мы дагэтуль не ведаем, чаго хоча рэжым, а для рэжыму Лукашэнкі палітвязні цяпер — не праблема. Мы павінны зрабіць, каб гэта было праблемай, і тады яны самі будуць шукаць магчымасці, каб абмяняць іх ці вызваліць.

Каб зрабіць палітвязняў праблемай для Лукашэнкі, трэба палітычная воля: павінны быць больш рашучыя санкцыі, трэба зачыніць дзіркі, праз якія рэжым Лукашэнкі працягвае гандляваць. Словы салідарнасці не працуюць, павінны працаваць механізмы, якіх цяпер шмат у дэмакратычным свеце».

Літоўскія журналісты запыталіся ў Ціханоўскай наконт беларусаў, якіх літоўская разведка лічыць пагрозай нацыянальнай бяспецы.

Дэмакратычная лідарка падкрэслівае, што беларускі рэжым жадае пагоршыць адносіны паміж беларускай дыяспарай і літоўцамі: «Літоўцы — нашы моцныя саюзнікі ў барацьбе за дэмакратыю і свабоду ў Беларусі. Рэжым бачыць такую вялікую падтрымку з боку ўрада і народа Літвы і, канешне, жадае гэта спыніць, таму і робяць гэтыя адмысловыя інфармацыйныя атакі на літоўскі народ».

На думку Ціханоўскай, беларуская прапаганда карыстаецца некалькімі рэальнымі выпадкамі з выяўленнем шпіёнаў рэжыму, каб прадстаўляць іх як пагрозу літоўскай незалежнасці.

Палітык заклікае літоўскі ўрад і сакрэтныя службы не разглядаць боль беларусаў у палітычным ракурсе: «Мы чакаем салідарнасці, мы шукаем яе. І мы насамрэч плацім высокую цану за нашу свабоду і незалежнасць. Перш за ўсё я хачу, каб літоўскі народ зразумеў, што адбываецца. Літоўскія службы вымушаныя шукаць тых, хто можа працаваць на КДБ, але я вельмі сумняюся, што іх шмат».

«Наша Нiва» — бастыён беларушчыны

ПАДТРЫМАЦЬ

Чытайце таксама:

«Я больш не хачу займацца палітыкай». Па інтэрнэце гуляе фэйкавы зварот Ціханоўскага

«Перада мной спыніўся бус і выйшлі два бамбізы». Аператар Ціханоўскага, які застаўся на волі, распавёў пра пераслед каманды

Дачка Ціханоўскіх збірае грошы на танк, каб «вызваліць тату»

Каментары22

  • Пытанне
    08.03.2024
    А дзе дарадца Ціханоўскай Анатоль Лябедзька?
  • Ганьба
    08.03.2024
    У сэнсе яна ня ведае, чаго хоча рэжым? Запалохаць усіх, знішчыць па максімуме. Пры магчымсці выгандляваць нейкае паслабленне санкцыяў за аызваленне аднаго працэнта зняволеных. Гэта не відавочна?
    Заклікаць ААН, якое само можа толькі заклікаць - гэта, канешне, нам сур'ёзна дапаможа.
    Але робіць хоць нешта - і ладна. Усё адно, без сілавога варыянта больш нічога не зробіш.
  • Алесь
    08.03.2024
    С Знаком все хорошо, получает от сестры передачи, посольство США помогает ему и его семье.

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць