Грамадства1010

Суддзю, які збег у Беларусь, некалькі месяцаў вяла польская контрразведка

Польскі суддзя Томаш Шміт ужо некалькі месяцаў знаходзіўся пад пільнай увагай Агенцтва ўнутранай бяспекі Польшчы. Яго хацелі арыштаваць за шпіянаж, але ў канцы аперацыі нешта пайшло не так.

Томаш Шміт. Фота: БелТА

Паводле звестак партала Onet, які спасылаецца на крыніцы ў спецслужбах і ўрадзе, контрразведцы было вядома, што Шміт як мінімум некалькі гадоў быў у кантакце з беларускімі спецслужбамі, а таксама з расійскімі агентамі ў Польшчы.

Контрразведка збірала доказы для арышту суддзі па абвінавачванні ў шпіянажы на карысць замежнай разведкі. Аднак па нейкай прычыне затрымаць Шміта не ўдалося.

Прэм'ер-міністр Дональд Туск і каардынатар спецслужбаў Томаш Семоняк ініцыявалі ўнутранае расследаванне ў Агенцтве ўнутранай бяспекі. Правяраецца аб'ём сакрэтнай інфармацыі, да якой суддзя меў доступ па працы. Яшчэ адна задача праверкі — высветліць, як Шміт змог спакойна пакінуць Польшчу і з'ехаць у Беларусь.

Паводле звестак журналістаў, Шміт меў непасрэдны доступ да ключавой для бяспекі краіны інфармацыі. Суддзя разглядаў у тым ліку справы аб адмове ў доступе да сакрэтнай інфармацыі. У гэтых выпадках Шміт павінен быў знаёміцца з гэтымі сакрэтнымі данымі, а таксама вывучаць нюансы спрэчак паміж рознымі службамі. Гэтая інфармацыя неацэнная для замежных спецслужбаў, асабліва беларускіх і расійскіх.

@nashanivanews Польскі суддзя папрасіў абароны ў беларускіх уладаў #польша #судья #беларусь #беларускаямова #нашаніва #лукашенко #кгб #минск ♬ Sun - Adrian Berenguer

Шміт, апроч усяго іншага, разглядаў справы аб адмове ў доступе да сакрэтнай інфармацыі НАТА. Колькі такіх спраў разгледзеў суддзя, і да якой колькасці дакументаў ён атрымаў доступ, належыць высветліць падчас праверкі. Прэм'ер патрабуе, каб справаздачу пра вынікі падалі цягам некалькіх дзён.

Пракуратура ўжо распачала крымінальную справу аб шпіянажы.

Каментары10

  • Кольт
    07.05.2024
    “Яго хацелі арыштаваць за шпіянаж, але ў канцы аперацыі нешта пайшло не так”. Значыць ёсць яшчэ не адзін крот і не адзін агент у Польшчы, якія і дапамаглі своечасова выехаць гэтаму шпеку
  • бабруйчанін
    07.05.2024
    Зноў " памылка клерка" ???)))
  • Праўдаруб
    07.05.2024
    Вось гэта ржака 😂
    “Контрразведка збірала доказы для арышту суддзі па абвінавачванні ў шпіянажы на карысць замежнай разведкі. Аднак па нейкай прычыне затрымаць Шміта не ўдалося”.
    🤣

    Чаму нельга проста прызнаць, што аблажаліся

Цяпер чытаюць

Гірын, Буры і нават Кныровіч адрэагавалі на артыкул пра самую модную пару беларускай апазіцыі28

Гірын, Буры і нават Кныровіч адрэагавалі на артыкул пра самую модную пару беларускай апазіцыі

Усе навіны →
Усе навіны

Буйному дыспетчару таксі забаранілі працу ў Беларусі4

Марзалюк: Герб Пагоня ніколі не быў забаронены!29

Зяленскі зацвердзіў групу, якая будзе весці мірныя перамовы3

Што зменіцца для маркетплэйсаў і калі ўвядуць аплату толькі безнаяўнымі? Расказалі ў міністэрстве

Павел Дураў пакінуў Францыю і адправіўся ў Дубай па дазволе суда5

Туск пра выхад Сабаленкі і Андрэевай у фінал Індыян-Уэлса: Расія і Беларусь перамаглі Польшчу і ЗША. Я не рады4

Зяленскі: Расія мае намер уварвацца ў Сумскую вобласць3

Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй25

Трамп падпісаў указ аб значных скарачэннях на «Радыё Свабода» і яшчэ шасці навінавых карпарацыях28

больш чытаных навін
больш лайканых навін

Гірын, Буры і нават Кныровіч адрэагавалі на артыкул пра самую модную пару беларускай апазіцыі28

Гірын, Буры і нават Кныровіч адрэагавалі на артыкул пра самую модную пару беларускай апазіцыі

Галоўнае
Усе навіны →

Заўвага:

 

 

 

 

Закрыць Паведаміць