Дональд Туск пракаментаваў скандал вакол ад'езду суддзі ў Беларусь.
Прэмʼер-міністр Польшчы Дональд Туск на пасяджэнні ўрада заявіў, што адносіны суддзі Шміта з Беларуссю маюць сваю доўгую гісторыю — «гэта не пытанне апошніх месяцаў».
«Няма сумненняў, пасля таго, што я атрымаў ад нашых службаў, што мы маем справу не з нейкім разавым учынкам, а са справай, якая мае свае крыніцы даўно», — казаў кіраўнік польскага ўрада.
Ён дадаў, што нельга недаацэньваць гэтую справу.
— Гэта не пытанне сенсацый у СМІ, мы проста павінны ведаць, што беларускія службы працавалі з чалавекам, які меў прамы доступ да міністра юстыцыі, які адказваў за разбурэнне судзейскай сістэмы ў Польшчы, які меў доступ да сакрэтных дакументаў, да якіх не павінна мець доступу ніводная разведка. Адносіны суддзі Шміта з беларусамі маюць доўгую гісторыю, гэта не пытанне апошніх месяцаў, гэта павінна выклікаць у нас найбольшую занепакоенасць, — сказаў ён.
Суддзя ваяводскага адміністрацыйнага суда Варшавы Томаш Шміт, які збег у Мінск, напярэдадні даў прэс-канферэнцыю ў Мінску і заявіў, што хоча папрасіць палітычны прытулак. Польскія эксперты мяркуюць, што Шміт можа быць звязаны з расійскімі спецслужбамі.
Суддзя Шміт быў выдатна заканспіраваным расійскім агентам — польскія эксперты
Колькі зарабляў і якой маёмасцю валодае суддзя, які збег з Польшчы ў Беларусь
Спецслужбы Польшчы пачалі правяраць, колькі сакрэтнай інфармацыі мог вывезці суддзя Шміт
«Абсалютна шакуючы выпадак». Кіраўнік МЗС Польшчы пракаментаваў намер польскага суддзі прасіць палітычны прытулак у Беларусі
Што за суддзя, які збег з Польшчы да Лукашэнкі? Томаш Шміт датычны да зліву кампрамату на калег
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца8
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары