Францыя накіруе ва Украіну інструктараў для навучання мясцовых вайскоўцаў
Францыя і Украіна падпісалі дакументы, згодна з якімі французскія інструктары змогуць наведваць украінскія навучальныя цэнтры, заявіў галоўнакамандуючы Узброеных сілаў Украіны Аляксандр Сырскі пасля праведзенай разам з міністрам абароны Украіны Рустамам Умеравым відэасустрэчы з французскім міністрам абароны Себасцьенам Лекарню.
Аляксандр Сырскі і Рустам Умераў падчас відэаканферэнцыі з Себасцьенам Лекарню. Фота: t.me/osirskiy
«Вітаю ініцыятыву Францыі накіраваць ва Украіну інструктараў для падрыхтоўкі ўкраінскіх вайскоўцаў. Мною ўжо падпісаныя дакументы, якія дазволяць першым французскім інструктарам наведаць нашы навучальныя цэнтры і азнаёміцца з іх інфраструктурай і персаналам.
Веру, што рашучасць Францыі падахвоціць іншых партнёраў далучыцца да гэтага амбіцыйнага праекта», — напісаў Сырскі ў сваім тэлеграм-канале.
Цяпер чытаюць
«Я сказаў на відэа, што мяне не катуюць — на той момант гэта было праўдай. А пасля мяне білі дзве гадзіны». Украінскі журналіст два гады правёў у расійскім палоне — вось што ён перажыў
Каментары