Чыноўнікі ўзяліся за прыватныя дзіцячыя лагеры — абяцаюць жорсткія рэйды
Будуць правяраць захаванне правіл бяспекі.
Чыноўнікі збіраюцца правесці жорсткі маніторынг прыватных дзіцячых лагераў. Пра гэта заявіў дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі.
Паводле яго слоў, цэнтр запланаваў правесці рэйды з мэтай жорсткага маніторынгу, піша Telegraf.
«Што тычыцца прыватных лагераў, якія працуюць па сваёй ініцыятыве, у гэтым годзе будзе праводзіцца больш жорсткі маніторынг па выяўленні месцаў незаконнага знаходжання дзяцей, таму што часцяком там не гарантаваная бяспека знаходжання, належны ўзровень аказання паслуг па харчаванні, пражыванні», — адзначыў Балбатоўскі.
У 2023 годзе з-за парушэнняў, удзельная вага якіх склала амаль 90%, чыноўнікі закрывалі лагеры, каб гарантаваць бяспеку дзяцей.
«Мы не супраць альтэрнатывы, але павінна быць узгоднена, хто мае права на аказанне гэтых паслуг, з мясцовай выканаўчай уладай. Таму мы не збіраемся нікому забараняць нічога, але ўсё павінна быць узаконена», — запэўніў Балбатоўскі.
Ён адзначыў, што ўжо распрацоўваецца заканадаўства, якое рэгламентуе прыватныя лагеры.
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары