Вайна

Чыгуначная арка Крымскага моста атрымала пашкоджанні

Пашкоджанні выявілі на другой, чыгуначнай частцы Крымскага моста, які раней страціў аўтамабільны пралёт над Керчанска-Енікальскім каналам, піша The Moscow Times.

Спадарожнікавы здымак чыгуначнаго моста пасля атакі. Злева ўверсе на арачнай частцы відаць пашкоджанні

У ноч на 19 лістапада, пасля трэцяй з пачатку тыдня атакі ўкраінскіх сіл, пацярпела чыгуначная арка даўжынёй 227 метраў. На апублікаваных у сацсетках фотаздымках бачна, што ў ніжняй частцы канструкцыі адсутнічаюць некаторыя элементы, а металічныя дэталі дэфармаваныя.

Паводле сведчанняў відавочцаў, мінулай ноччу ў арку і чыгуначнае палатно моста было каля васьмі-дзесяці траплянняў. Над аркай таксама назіраліся ўспышкі ад выбухаў.

Фота з сацсетак

Ракетным ударам не папярэднічала атака беспілотнікаў. Спачатку расійская супрацьпаветраная абарона нешта збівала на падлёце, затым з гары Мітрыдат зенітны ракетна-гарматны комплекс «Панцыр-С1» за адну-дзве хвіліны выпусціў увесь боезапас. Пасля гэтага выбухі пачалі гучаць ужо непасрэдна на мосце, расказалі мясцовыя жыхары.

Раней Узброеныя сілы Украіны атакавалі мост у ноч на 16 і 17 лістапада. Пасля першага ўдару аўтамабільная арка масай каля пяці тысяч тон нахілілася на некалькі градусаў. Падчас другой атакі, калі выкарыстоўваліся крылатыя ракеты «Фламінга», арка разам з праезнай часткай абрынулася ў ваду.

Фота з сацсетак

У выніку начных удараў чыгуначны рух праз Керчанскі праліў часова спынялі. У 15:55 паводле маскоўскага часу расійскае Міністэрства транспарту паведаміла, што рух аднавіўся па адной з дзвюх каляін. Першым цягніком, які павінен быў праехаць па мосце пасля атакі, стаў састаў «Таўрыя» № 92/91, які курсіруе паміж Масквой і Керчу.

Расійскія ўлады заяўляюць, што асобныя элементы Крымскага моста змогуць зноў запрацаваць ужо праз месяц-два. Аднак інжынеры, апытаныя The New York Times, лічаць, што паўнавартаснае аднаўленне можа заняць некалькі гадоў. Прытым гэта магчыма толькі пры ўмове, што новых атак не будзе.

Прафесар Універсітэта Халіфы ў Абу-Дабі Андрэас Капоса лічыць, што два гады — рэалістычны тэрмін для рамонту, калі апоры, якія падтрымліваюць арачны пралёт, не атрымалі сур'ёзных пашкоджанняў.

Інжынер-кансультант Дональд Дьюзенберы, які займаўся расследаваннем выпадкаў абрушэння мастоў, адзначыў, што нават простая расчыстка абломкаў будзе складанай задачай. Паводле яго слоў, арачны пралёт адрозніваецца ад тыпавых пралётаў, з якіх складаецца большая частка моста і якія можна адносна лёгка замяніць. Калі ж спатрэбіцца рамантаваць яшчэ і апоры, гэта істотна ўскладніць аднаўленчыя работы.

Каментары

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал11

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

З 1 студзеня днём рух грузавікоў па МКАД плануюць забараніць

Трамп і Пуцін сустрэліся на палях саміта АЦЭС3

У Афрыцы зазелянела пустыня — і прычына гэтаму не толькі змена клімату3

У жаночых прыбіральнях Кітая з'яўляюцца пісуары. Навошта?1

Спявачка з Беларусі трапіла ў скандал у ЗША. Вінаваціць прафесара Калумбійскага ўніверсітэта ў згвалтаванні, а ён яе — у пераследзе сям'і13

Беларус расказаў, як правозіў ката самалётам з перасадкамі

На брэсцкім вакзале заўважылі апарат з «цублямі» замест рублёў1

Мінск прыме расійска-грузінскія перамовы2

Рыжанкоў заявіў, што Беларусь дабіваецца ад ЗША зняцця санкцый у абмен на палітвязняў18

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал11

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць