Суд Кастрычніцкага раёна Мінска пагадзіўся з абвінавачаннем пракуратуры і пакараў Галіну Лагацкую абмежаваннем волі на два з паловай гады, паведамляюць крыніцы тэлеканала «Белсат».
Галіну Лагацкую судзілі па артыкуле 342, які за масавасць празвалі «народным» — арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх).
Жанчыну вызвалілі з-пад варты ў судовай залі. Тэрмін пакарання яна мусіць адбываць па месцы жыхарства.
Затрымалі Галіну Лагацкую 9 красавіка ў будынку ўпраўлення ўнутраных спраў Кастрычніцкага раёна, куды яе запрасілі забраць тэлефон. Ён быў нібыта на праверцы ў міліцыі ажно з 2022 года, калі жанчыну арыштавалі на 25 сутак за распаўсюд улётак супраць вайны.
Справу разглядала суддзя Вольга Лаўрыновіч.
Цяпер чытаюць
Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе1
Каментары