Беларусь адрэагуе на новыя санкцыі ЕС пастрожваннем правіл імпарту заходніх тавараў
Прэс-сакратар МЗС Анатоль Глаз заявіў, што Беларусь падрыхтавала меры ў адказ на новыя санкцыі ЕС.
«Урадам ужо падрыхтаваны комплекс асіметрычных мер у адказ. Яны будуць звязаныя з узмацненнем жорсткасці ўмоў імпарту і дзейнасці ў Беларусі суб'ектаў з недружалюбных краін», — сказаў Анатоль. Глаз.
Ён таксама адзначыў, што, маўляў, для Мінска новыя абмежаванні ЕС — «зусім прахадны этап».
«У нас шмат планаў развіцця, актыўна працуе эканоміка і, шчыра кажучы, наперадзе вельмі шмат спраў і праектаў. На гэтым фоне спробы кіраўніцтва ЕС сваімі незаконнымі санкцыйнымі пакетамі спыніць наша развіццё выглядаюць трохі камічна», — сцвярджае прэс-сакратар МЗС.
На мінулым тыдні ЕС распаўсюдзіў на Мінск шэраг антырасійскіх санкцый. Яны закранаюць імпарт з Беларусі ў ЕС золата, алмазаў, гелію, вугалю і мінеральных прадуктаў, сырой нафты. Забаронены таксама транзіт праз Беларусь тавараў і тэхналогій падвойнага прызначэння.
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну7
Каментары