Разам з Дональдам Трампам мае балатавацца сенатар ад штата Агаё Джэймс Вэнс.
Пра вызначэнне кандыдатуры Джэймса Дэвіда Вэнса патэнцыйным віцэ-прэзідэнтам ЗША Трамп абвясціў у сваёй сацсетцы Truth Social падчас нацыянальнага з'езда Рэспубліканскай партыі ў Мілуокі.
«Пасля доўгіх роздумаў, беручы пад увагу каласальныя таленты многіх іншых, я вырашыў, што найбольш прыдатным чалавекам на пасаду віцэ-прэзідэнта Злучаных Штатаў з'яўляецца сенатар Джэймс Дэвід Вэнс са штата Агаё», — напісаў Дональд Трамп.
39-гадовы Джэймс Дэвід Вэнс у свой час служыў у марской пяхоце (падчас вайны ў Іраку, якая пачалася ў 2003 годзе, ён працаваў у прэс-службе), скончыў Універсітэт штата Агаё і Ельскую школу права. У Сенат ён абраўся ў студзені 2023 года.
Вядомасць Вэнсу прынесла яго кніга «Элегія хілбілі», якая выйшла ў 2016 годзе, у якой ён апісаў сваё даволі беднае дзяцінства і культуру «хілбілі» (што можна перакласці як «дзеравеншчына»). Кнігу хвалілі за дакладнае апісанне «глыбіннай Амерыкі», якое тлумачыць пераход белага працоўнага класа, які традыцыйна галасаваў за дэмакратаў, да Рэспубліканскай партыі — і поспех Дональда Трампа.
Вэнс вядомы сваёй крытыкай адміністрацыі Байдэна. Ён не раз крытычна выказваўся адносна амерыканскіх вайсковых паставак Кіеву і настойваў на замацаванні нейтралітэту Украіны.
Памілаваныя 15 чалавек, сярод якіх 13 палітвязняў15
Каментары
Цяжка ўявіць што такія зараз з'явіліся сенатары ў партыі Рэйгана - Буша.
Ганьба !!!