Венгрыя пашырыла дзеянне аднаго з тыпаў мясцовых дазволаў на жыхарства «нацыянальная карта» (Nemzeti Kártyával) на грамадзян Беларусі і Расіі. Адпаведнае рашэнне было прынята ўрадам 8 ліпеня, піша Reform.news.
Раней дзеянне праграмы распаўсюджвалася толькі на грамадзян Сербіі і Украіны. З 9 ліпеня «нацыянальнай картай» могуць карыстацца грамадзяне Беларусі, Расіі, Босніі і Герцагавіны, Малдовы, Паўночнай Македоніі, Чарнагорыі.
«Нацыянальная карта» прадугледжвае спрошчаныя ўмовы ўезду і знаходжання ў Венгрыі. Уладальнікі карты могуць уладкоўвацца на працу ў любых галінах (не толькі там, дзе назіраецца дэфіцыт кадраў) і прывозіць з сабой сям'ю.
Карта выдаецца на 2 гады, але можа працягвацца неабмежаваную колькасць разоў. Для працягвання не трэба здаваць тэст на культурныя веды. Праз тры гады ўладальнік карты можа атрымаць пастаянны дазвол на жыхарства.
Акрамя гэтага, па «нацыянальнай карце» грамадзян трэціх краін будуць упускаць у Венгрыю без праверак бяспекі. У Еўрасаюзе асцерагаюцца, што па такой схеме ў Еўропу могуць без праблем уехаць расійскія шпіёны.
Цяпер чытаюць
Скандал у «Еўраопце». 96‑гадоваму дзядулю не дазволілі прысесці на крэсла каля касы21
Каментары