Рада Еўрапейскага Саюза 26 ліпеня пачала працэдуру празмернага дэфіцыту ў дачыненні да сямі краін блока (Бельгія, Венгрыя, Італія, Мальта, Польшча, Славакія, Францыя) і працягнула яе ў дачыненні да Румыніі. Пра гэта паведамляецца на сайце Рады ЕС.
Дамова аб Еўрапейскім Саюзе прадугледжвае, што дзяржавы-члены павінны выконваць бюджэтную дысцыпліну і не дапускаць перавышэння дэфіцыту больш за 3% ВУП, а дзяржаўнага доўгу — больш за 60% ВУП.
Калі ўдзельнік блока перавышае паказчык дэфіцыту, у дачыненні да яго запускаецца спецыяльная працэдура, якая прадугледжвае ўзмоцнены кантроль і даванне рэкамендацый для зніжэння выдаткаў і павелічэння даходаў.
У 2023 годзе восем краін мелі дэфіцыт, які перавысіў базавае значэнне дамовы: Італія (-7,4%), Венгрыя (-6,7%), Румынія (-6,6%), Францыя (-5,5%), Польшча (-5,1%), Мальта (-4,9%), Славакія (-4,9%), Бельгія (-4,4%).
Румынія ўжо знаходзіцца пад працэдурай празмернага дэфіцыту з 2019 года. У 2020-2023 гадах у сувязі з пандэміяй COVID-19 правіла празмернага дэфіцыту не ўжывалася.
Да канца года Еўракамісія павінна прапанаваць рэкамендацыі па ліквідацыі празмернага дэфіцыту для кожнай краіны з канкрэтнымі колькаснымі і часавымі параметрамі.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?13
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары