Прадпрымальнікаў і самазанятых чакаюць непрыемныя сюрпрызы па выплаце ўнёскаў у ФСАН
Для ІП і самазанятых хочуць змяніць умовы па аплаце ўзносаў у ФСАН. Афіцыйна апублікаваны праект закона «Аб змене законаў па пытаннях дзяржаўнага сацыяльнага страхавання і пенсійнага забеспячэння», і там ёсць некалькі нечаканых нормаў. Эксперт у галіне фінансаў і падаткаабкладання, кіруючы партнёр Resolva Таццяна Дайлід у сваім тэлеграм-канале падзялілася думкамі наконт гэтых змен, заўважыў probusiness.io.
Таццяна Дайлід піша, што «для ІП скасуюць магчымасць плаціць унёскі ў ФСАН з мінімальнай зарплаты».
Эксперта турбуе, што прапанаваная новая сістэма выплаты ўзносаў складаная, і праца з ёй багатая на памылкі.
Так, праектам закона прапануецца прывязаць памер узносаў у ФСАН для ІП да памеру яго даходу. Памер даходу будзе вызначацца па падатковых дэкларацыях.
З мінімальнага заробку (626 беларускіх рублёў) можна будзе плаціць унёскі ў ФСАН, калі прыбытак ІП за год перавышае 12 мінімальных заробкаў, але менш за 12 сярэдніх заробкаў.
Эксперт не разумее, як гэта вылічыць, калі сярэдняя зарплата мяняецца кожны месяц.
Аднак у апублікаваным дакуменце ўсе змены прывязаны менавіта да гэтай велічыні:
з двухразовага памеру МЗП трэба будзе плаціць унёскі ў ФСАН, калі прыбытак ІП за год знаходзіцца ў дыяпазоне ад 12 да 60 сярэдніх заробкаў;
з трохразовага памеру МЗП — калі даход ІП за год перавысіць 60 сярэдніх заробкаў.
«Ніякі штучны інтэлект не заменіць бухгалтара», — піша Дайлід.
Акрамя таго, змены закрануць і памер узносаў у ФСАН, што спаганяюцца з самазанятых. Па праекце ў плацельшчыкаў ППД (падатак на прафесійную дзейнасць) наўрад ці застанецца магчымасць плаціць у ФСАН 6% ад сумы даходу. «Прыйдзецца таксама прывязвацца да «мінімалкі», — кажа эксперт.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі11
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары