Нечаканае здарэнне ўскалыхнула Жодзіна. На вуліцы 8 Cакавіка агрэсіўны бяздомны кот напаў на сабаку мінчукоў, якія прыехалі ў госці. Як высветлілася пазней, у ката было шаленства, піша Ex-press.live
Мясцовыя ўлады аб'явілі двухмесячны каранцін, каб прадухіліць магчымае распаўсюджванне небяспечнага віруса, паведамляе мясцовая газета.
28 верасня мінчукі прыехалі ў Жодзіна, каб праведаць сяброў, прыхапіўшы з сабой любімага сабаку. Падчас прагулкі на вуліцы 8 Сакавіка каля дома №10 на жывёліну раптоўна напаў бяздомны кот.
У сутычцы кот атрымаў траўмы, ад якіх неўзабаве загінуў.
Уладальнікі сабакі, не адкладаючы, звярнуліся ў ветэрынарную станцыю ў суседніх Смалявічах. Пасля аналізу ветэрынары пацвердзілі падазрэнні — у ката было шаленства.
Вынікі лабараторных даследаванняў, якія прыйшлі 7 кастрычніка, пацвердзілі гэта небяспечнае захворванне.
Улады Жодзіна абвясцілі каранцін у мікрараёне, дзе адбылася сутычка. Каранцін будзе доўжыцца два месяцы, і ў гэты перыяд жыхароў абавязалі строга выконваць рэкамендацыі ветэрынараў: пазбягаць кантактаў з вулічнымі жывёламі, вакцынаваць хатніх гадаванцаў і быць уважлівымі да любых дзівацтваў у паводзінах звяроў.
Спецыялісты падкрэсліваюць, што калі на працягу гэтага тэрміну не выявяць новых выпадкаў шаленства, каранцін будзе зняты.
Апошні да гэтага часу выпадак шаленства ў Жодзіне быў зарэгістраваны ў пачатку 2020 года, калі хворая ліса пакусала вартавога сабаку.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая77
Каментары