Да 30-годдзя беларускага рубля Нацбанк выпусціў памятныя манеты незвычайнай формы
Памятныя манеты, прысвечаныя 30-годдзю канчатковага ўвядзення беларускага рубля, адлітыя з чыстага золата і срэбра 999-й пробы. На адным іх баку (аверсе) — будынак Нацбанка, а на другім (рэверсе) — зубр.
У манет незвычайны намінал — 30 рублёў, а іх форма спецыяльна зроблена так, каб нагадваць купюру. Залатая версія важыць 2 грама, а срэбраная — 5 грамаў.
Залатых манет выпушчана 10 тысяч, а срэбных — 20 тысяч. Кошт жа — 770 рублёў (або 810 рублёў з футлярам) за залатую версію і ад 140 да 180 за срэбную.
Нацыянальны банк у маі 1992 года ўвёў першую нацыянальную валюту суверэннай Беларусі, якая падпісвалася, як разліковы білет. 30 гадоў таму яны канчаткова сталі адзіным плацёжным сродкам пасля правядзення дэнамінацыі.
Каментары