Сіноптык Дзмітрый Рабаў у эфіры АНТ расказаў пра надвор’е ў Беларусі на тыдні з 19 па 25 кастрычніка 2026 года. Паводле яго прагнозу, цёплае восеньскае надвор'е паступова скончыцца: уначы стане халадней, а ў выхадныя прыйдуць дажджы. Пры гэтым у буднія дні істотных ападкаў не чакаецца, а ўдзень захаваецца адносна цёплае надвор’е.
У панядзелак, 19 кастрычніка, Беларусь будзе знаходзіцца пад уплывам вобласці высокага атмасфернага ціску. Дажджоў не прагназуецца, але раніцай месцамі магчымы туман. Уначы тэмпература складзе ад +2 да +10 °C, удзень — ад +9 °C на Віцебшчыне да +14 °C на поўдні Брэсцкай і Гомельскай абласцей.
У аўторак, 20 кастрычніка, захаваецца сухое, але крыху прахалоднае надвор’е. Магчымая воблачнасць, раніцай месцамі чакаецца туман. Вільготнасць паветра можа дасягаць 70%. Уначы тэмпература будзе вагацца ад −1 да +7 °C, удзень — ад +9 °C на Віцебшчыне да +12 °C у Гомельскай і Брэсцкай абласцях.
У сераду, 21 кастрычніка, прагназуюцца пераменная воблачнасць і адсутнасць істотных ападкаў. Уначы і раніцай месцамі будзе туман, вільготнасць паветра можа дасягаць 90%. Уначы чакаецца ад 0 да +7 °C, удзень — ад +13 °C на паўночным захадзе да +14 °C на поўдні Гомельскай вобласці.
У чацвер, 22 кастрычніка, Беларусь па-ранейшаму будзе знаходзіцца пад уплывам вобласці высокага атмасфернага ціску, таму верагоднасць дажджоў застанецца невялікай. Уначы і раніцай магчымыя туманы. Тэмпература ўначы складзе ад +2 да +8 °C, удзень — ад +11 °C на паўночным усходзе да +15…+17 °C у Гродзенскай і Брэсцкай абласцях.
У пятніцу, 23 кастрычніка, істотных зменаў не чакаецца. Уначы і раніцай зноў магчымы туман, бачнасць месцамі можа зніжацца да 500 метраў. Тэмпература ў начныя і ранішнія гадзіны будзе складаць ад +3 да +8 °C, удзень — ад +11 да +16 °C на паўднёвым захадзе краіны.
У суботу надвор’е пачне пагаршацца. З захаду на ўсход будзе павольна рухацца атмасферны фронт. На захадзе Беларусі чакаюцца дажджы, а на астатняй тэрыторыі, паводле папярэдняга прагнозу, істотных ападкаў не будзе. Уначы прагназуецца ад +3 да +7 °C, удзень — ад +11 °C на поўначы да +16 °C на поўдні.
У нядзелю, 25 кастрычніка, будзе воблачна, а дажджы пройдуць у большасці раёнаў краіны. Уначы тэмпература складзе ад +4 да +9 °C, удзень — ад +10 °C у Гродзенскай вобласці да +17 °C у Гомельскай.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары