У Крыме львы загрызлі супрацоўніцу парку. Год таму жывёл прывезлі з Марыупаля
Супрацоўніца парку львоў «Тайган» у Крыме Леакадзія Перавалава загінула 16 кастрычніка падчас уборкі клеткі з трыма драпежнікамі.
Жанчына не зачыніла засаўку дзвярэй паміж двума памяшканнямі клеткі. У выніку львы напалі на жанчыну, прычыніўшы ёй смяротныя траўмы, піша агенцтва ТАСС.
Дырэктар парку Алег Зубкоў паведаміў, што супрацоўнікі, якія прыбылі на месца, ужо не маглі аказаць якую-небудзь дапамогу Перавалавай. Паводле яго слоў, львоў, якія разадралі супрацоўніцу, усыпляць не будуць.
У дзень здарэння ішоў праліўны дождж, і гэта магло справакаваць напад, паколькі падчас залевы львы паводзяць сябе асабліва, выказаў здагадку дырэктар.
«Мяне жахнула тое, што львы, нягледзячы на тое, што яны былі сытыя, здаровыя, моцныя, яны не проста забілі, а яшчэ і абгрызлі, пачалі грызці ногі [Перавалавой]. У гэтым жах, таму што, калі львы пакаштавалі чалавечага мяса, яны становяцца людаедамі»,
— расказваў Зубкоў «Ізвестіям».
Львы, якія напалі на жанчыну, з'явіліся ў «Тайгане» толькі год таму. Іх прывезлі туды з Марыупальскага заапарка.
Пасля здарэння распачалі крымінальную справу па факце парушэнняў патрабаванняў аховы працы, якія пацягнулі па неасцярожнасці смерць чалавека (ч. 2. 143 КК РФ).
41-гадовая Леакадзія Перавалава пачынала працаваць рабочай па доглядзе жывёл, затым стала дырэктарам Ялцінскага заапарка «Казка». Жанчына была дасведчаным спецыялістам і навучала іншых супрацоўнікаў, як паводзіць сябе з драпежнымі жывёламі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Да-да. В самой коррумпированной стране Европы с пенсиями по 100 баксов, их кормиле гораздо более лучше, вот это все.