Грамадства1818

Каго Лукашэнка паставіць на выбары кандыдатамі-спойлерамі?

70-гадоваму Аляксандра Лукашэнку трэба знайсці тых, хто б падтрымліваў лінію партыі, але пры гэтым не выглядаў бы прывабнейшым за яго.

Адзіная інтрыга на «выбарах» — колькі галасоў сабе захоча намаляваць Лукашэнка. Паўтарыць 2020 год і напісаць 80%? Ці прадэманстраваць, што падтрымка вырасла? Тым больш Уладзімір Пуцін задаў новы арыенцір, атрымаўшы на сваіх выбарах 87%. Магчыма, старшыню Цэнтрвыбаркама Ігара Карпенку будуць арыентаваць на тое, каб намаляваць трохі больш, чым Пуціну.

Выбары будуць абсалютна кантраляваныя, апазіцыйных кандыдатаў не дапусцяць. Але каб стварыць ілюзію палітычнага працэсу, у бюлетэні кагосьці ўпісаць трэба. Пры гэтым упісаць такога кандыдата, які б не выглядаў прывабнейшым за Лукашэнку. Блізкіх да цела чыноўнікаў тыпу Наталлі Качанавай наўрад ці паставіш — давядзецца прыпісаць частку галасоў, каб яны выглядалі салідна (а значыць, адарваць гэтыя працэнты ад сябе). Ліберальна настроеных — таксама не. 

Кішэнную апазіцыю тыпу Юрыя Васкрасенскага? Гэта азначала б занадта высокі давер. А Сяргею Чэрачню, якому дазволілі папрысутнічаць у бюлетэні на мінулых выбарах, будзе толькі 39 гадоў (пасля змен у Канстытуцыю ўзроставы цэнз паднялі да 40).

Традыцыйна спойлерам можа пайсці Алег Гайдукевіч. Ён ужо заявіў, што яго партыя будзе ўдзельнічаць у выбарах. Хутчэй за ўсё, сам і выставіць кандыдатуру.

Можа быць і другі спойлер ад аднаго з прафсаюзаў ці іншых псеўдаграмадскіх арганізацый — цяперашнія ці былыя кіраўнікі, умоўныя Міхаіл Орда ці Алег Раманаў альбо менш статусныя намеснікі. Альбо адзін з лідараў камуністаў, якому намалююць 1%. Можна разважаць і наконт надзейнага шэрага пенсіянера кшталту былога старшыні Палаты прадстаўнікоў Уладзіміра Андрэйчанкі — каб на яго фоне Лукашэнка выглядаў маладым і жвавым. 

Трэцім спойлерам лагічна абраць жанчыну. На гэтым месцы можа апынуцца і Ганна Канапацкая ў ролі «беларускамоўнай апазіцыі» (так, наяўнасць у мінулым нямецкага ДНЖ пярэчыць закону, але ж у такіх дэталях «часам не да законаў»). Ці ўлады прыгледзяць кагосьці з Беларускага саюза жанчын, напрыклад, прадстаўніцу рабочай прафесіі?

Сам Лукашэнка сёння ў Казані заявіў, што на выбары пойдзе. Таму можна чакаць, што галоўнай задачай кандыдатаў-спойлераў будзе хваліць яго дасягненні і хіба што тактоўна намякаць на недапрацоўкі на месцах.

Выбары пройдуць 26 студзеня 2025 года.

Апытанка

Каментары18

  • сі рога
    23.10.2024
    а чаму ў апытанцы няма ціханоўскага ?
  • Імя
    23.10.2024
    Света, а што, у нас рэальна плануюцца выбары з удзелам Зянона Пазняка, Віктара Бабарыкі і Паўла Латушкі, як у апытанцы?
  • Ёсік
    23.10.2024
    Давайце касманаўтку, цырк павінен працягвацца.

Цяпер чытаюць

Антон чатыры гады хаваўся ад лукашыстаў у родных Баранавічах — затрымалі, калі вырашыў здаць на правы1

Антон чатыры гады хаваўся ад лукашыстаў у родных Баранавічах — затрымалі, калі вырашыў здаць на правы

Усе навіны →
Усе навіны

Загаварыла адна з дачок Пуціна: Чалавек, які забраў мільёны жыццяў і разбурыў маё19

Мядзведзеў прыкусіў язык пасля рашэння Трампа адправіць да Расіі ядзерныя падлодкі8

Паўтара дзясятка карцін. Знойдзена самая жывапісная тэраса Мінска

Рыэлтар: У параўнанні з мінулым годам арэнда жылля падаражэла на 20—30%2

На мяжы з Польшчай у чарзе больш за 2000 аўто1

61-гадовы мужчына прапаў на пункце пропуску «Брэст»

Саша Філіпенка расказаў, што яго раман «Слон» можна купіць у Беларусі. Прапагандысты знялі яго з продажу за некалькі гадзін 14

17-гадовага на Audi спынілі стральбой з табельнай зброі1

«Паўстання такіх памераў у Беларусі ніколі не было». Гісторык расказаў, чым унікальны 2020-ты і што мы возьмем з яго на будучыню82

больш чытаных навін
больш лайканых навін

Антон чатыры гады хаваўся ад лукашыстаў у родных Баранавічах — затрымалі, калі вырашыў здаць на правы1

Антон чатыры гады хаваўся ад лукашыстаў у родных Баранавічах — затрымалі, калі вырашыў здаць на правы

Галоўнае
Усе навіны →

Заўвага:

 

 

 

 

Закрыць Паведаміць