82-гадовы прэзідэнт Зімбабвэ — 70-гадоваму Лукашэнку: На поўначы жыццё людзей прасцейшае, таму яны паміраюць хутчэй
На кліматычным саміце ў Баку два пажылыя палітыкі абмяняліся кампліментамі.
Прэзідэнт Зімбабвэ Эмерсан Мнангагва, якому 82 гады, пагутарыў з 70-гадовым Лукашэнкам пра ўзрост.
Палітыкі пры сустрэчы на кліматычным саміце ў Баку абмяняліся кампліментамі. Лукашэнка заявіў, што рады бачыць Мнангагву актыўным і жыццярадасным, нягледзячы на ўсе праблемы ў свеце. Той у даўгу не застаўся.
«І вам таксама мой камплімент — выдатна выглядаеце. І маладзейшым», — заўважыў 82-гадовы Мнангагва.
«Ну, напэўна, не зусім», — какетліва адказаў Лукашэнка.
«У параўнанні са мной вы як юнак выглядаеце», — вырашыў развіць тэму прэзідэнт Зімбабвэ.
Лукашэнка адзначыў, што нельга параўноўваць паўночных людзей з паўднёвымі: «Яны значна больш эфектыўныя, больш актыўныя і здаровыя».
Мнангагва засмяяўся і раптам у размове з 70-гадовым «паўночнікам» вырашыў паразважаць, чаму на поўначы людзі паміраюць раней.
«Жыццё людзей на поўначы прасцейшае, таму паміраюць яны хутчэй. А ў нас на поўдні жыццё цяжкае, і жыць даводзіцца даўжэй», — падзяліўся мудрай думкай Мнангагва.
«Гэта так», — неяк сумна заўважыў Лукашэнка.
«Мне 82 гады. Таму, гледзячы на вас, я бачу свайго маладога-маладога-маладога брата», — дадаў прэзідэнт Зімбабвэ.
А Лукашэнка вырашыў закругліць тэму на пазітыўнай для яго ноце: «Дзякуй. Але тым не менш мы збіраемся з вамі яшчэ жыць, і не адзін год. І нам трэба будзе нямала зрабіць».
Дарэчы, Мнангагва, паўнамоцтвы якога мінаюць у 2028 годзе, летам заявіў, што на трэці тэрмін не пойдзе.
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй46
Каментары