Бунт камерунскага футбаліста ў беларускім клубе: ён патрабаваў не карміць яго грэчкай
Футбольны агент Юрый Фамін распавёў пра адзін кур'ёзны выпадак з удзелам камерунскага легіянера.
Паўабаронца з Камеруна Дзенягха Саагі выступаў за «Мінск» з перапынкам у 2022-2023 гадах. Для на той момант 20-гадовага футбаліста гэта быў першы досвед выступаў за мяжой — і адразу на іншым кантыненце.
У выніку, адаптацыя да беларускіх рэалій праходзіла не без праблем. Агент гульца Юрый Фамін распавёў sport5.by, што Саагі аднойчы нават зладзіў сапраўдны пратэст — з-за грэчкі.
«Бытавыя гісторыі вельмі простыя. Футбольны клуб «Мінск», мінулы сезон, і ў нейкі перыяд вельмі шмат грэчкай кармілі, а афрыканцы не разумелі, што гэта за прадукт. Дайшло да таго, што ў нейкі момант Саагі сказаў, калі сёння будзе грэчка, то на трэніроўку не выйдзе.
Прыйшлося схадзіць у краму на праспекце Пераможцаў, купіць яму макароны, прасіць у кухара індывідуальна зварыць яму іх. На базе ФК «Мінск» ёсць выдатны спецыяліст Вольга, якая сказала, што будзе яму варыць пачак у дзень, хай есць на здароўе», — распавёў Фамін.
Саагі правёў за аснову «Мінска» 24 матчы ў чэмпіянаце і Кубку Беларусі і аддаў 3 выніковыя перадачы. У студзені 2024 года пакінуў беларускі клуб. З таго часу, відаць, шукае працу.
Цяпер чытаюць
«Ты яшчэ не стамілася?» Апублікавалі перапіску Мельнікавай, дзе ёй пагражалі9
Каментары