Правядзенне анансаваных раней альтэрнатыўных Алімпіядзе Сусветных гульняў дружбы афіцыйна адкладзена на нявызначаны тэрмін. Гэта вынікае з указа Уладзіміра Пуціна, апублікаванага на расійскім партале прававой інфармацыі.
Першапачаткова гульні павінны былі прайсці ў верасні 2024 года ў Маскве і Екацярынбургу, пасля былі перанесеныя на 2025 год, а цяпер адкладзеныя да «асаблівага распараджэння».
Стварэнне гульняў дружбы мела стаць адказам расійскіх уладаў на адхіленне яе спартсменаў ад удзелу ў міжнародных спаборніцтвах у сувязі з вайной ва Украіне. Паводле задумкі арганізатараў, праект павінен быў стаць аналагам ініцыятывы СССР 1984 года — спартыўнага фестывалю «Дружба-84», які адбыўся замест Алімпіяды ў Лос-Анджэлесе, байкатаванай краінамі сацлагера.
Намер арганізаваць Сусветныя гульні дружбы выклікаў крытыку з боку Міжнароднага алімпійскага камітэта, які назваў мерапрыемства палітычна матываваным. Арганізацыя перасцерагала спартсменаў ад удзелу ў іх, пагражаючы санкцыямі.
У 2023 годзе Мінспорту Расіі прапаноўвала правесці частку праграмы спаборніцтваў Сусветных гульняў дружбы ў Мінску. Намеснік міністра спорту Беларусі Аляксандр Баравуля тады казаў, што Беларусь гатовая ўзяць на сябе ролю суарганізатара.
Хто той у масцы — самая вялікая загадка цырымоніі адкрыцця Алімпіяды ў Парыжы разгаданая
«Да 23 гадкоў купіла другую машыну і не збіраюся спыняцца»: алімпійская прызёрка Аліна Гарнасько пахвалілася Tesla
Беларусам і расіянам дазволілі ўзяць удзел у цырымоніі закрыцця Алімпіяды
Б'ёрндален адмаўляецца ад працы трэнерам, каб быць больш з сям'ёй
Стала вядома, хто можа ўзначаліць Міжнародны алімпійскі камітэт
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары