Для міру ва Украіне не павінна быць ніякага NATO, вайсковых баз і вучэнняў з удзелам замежных войскаў, заявіў міністр замежных спраў Расіі амерыканскаму журналісту Такеру Карлсану.
Пра адносіны з ЗША
«Афіцыйна мы не ваюем. Некаторыя тое, што адбываецца ва Украіне, называюць гібрыднай вайной. Я б таксама гэта так назваў».
«Гэта не тое, чаго мы хочам. Вядома, мы хацелі б мець нармальныя адносіны з усімі нашымі суседзямі. Наогул з усімі краінамі, асабліва з такой вялікай краінай, як ЗША».
«У Расіі і ЗША ёсць закрытыя каналы сувязі, але па іх абмяркоўваюцца ў асноўным абмены зняволенымі. Што тычыцца Украіны, амерыканцы перадаюць канфідэнцыйна «тое ж, пра што кажуць публічна».
Пра пагрозу ядзернай вайны
«Мы не думаем пра вайну з ЗША, якая можа мець ядзерны характар. Наша ваенная дактрына абвяшчае, што самае галоўнае — пазбегнуць ядзернай вайны».
«Заявы Захаду аб магчымасці абмежаванага абмену ядзернымі ўдарамі выклікаюць трывогу: «Гэта запрашэнне да катастрофы, якой мы не хочам».
Пра «Арэшнік»
«Паведамленне, якое хацелі данесці, выпрабоўваючы гэтую гіпергукавую сістэму ў рэальных умовах, заключаецца ў тым, што будзем гатовыя зрабіць усё, каб абараніць нашы законныя інтарэсы».
У Расіі «хацелі б пазбегнуць непаразумення», але гатовыя «накіраваць дадатковыя «паведамленні».
«Мы не хочам пагаршаць сітуацыю. Але паколькі па тэрыторыі Расіі выкарыстоўваюцца ATACMS і іншая зброя вялікай далёкасці, мы пасылаем сігналы».
Масква аўтаматычна апавясціла Вашынгтон аб запуску ракеты за паўгадзіны: «Яны ведалі, што гэта здарыцца і не прымалі яе за нешта больш маштабнае і па-сапраўднаму небяспечнае».
Пра Украіну
Калі б не пераварот у Кіеве, Крым быў бы ў складзе Украіны, а калі б Кіеў выканаў Мінскія пагадненні, у складзе Украіны застаўся б Данбас.
«У нас няма намеру знішчаць украінскі народ. Яны браты і сёстры расійскаму народу».
«Ключавым для РФ застаецца пазаблокавы статус Украіны: «Ніякага NATO. Ніякіх вайсковых баз, вайсковых вучэнняў на ўкраінскай зямлі з удзелам замежных войскаў».
«Урэгуляванне павінна ўлічваць ўваходжанне ў склад Расіі чатырох новых рэгіёнаў і неабходнасць адмяніць русафобскія законы ва Украіне.
Пра санкцыі
«Яны ніколі не заб'юць нас. І гэта робіць нас мацнейшымі».
Аб абвастрэнні ў Сірыі
«Расія, Іран і Турцыя падтрымліваюць кантакты ў сувязі з абвастрэннем у Сірыі. У Масквы ёсць інфармацыя аб замежных спонсарах баевікоў».
Пра Трампа
«Думаю, ён моцны чалавек, які хоча дасягаць вынікаў, не любіць адкладаць справы на потым. Гэта маё ўражанне. Ён вельмі прыязны ў размове. Аднак гэта не значыць, што Трамп настроены прарасійску».
Цяпер чытаюць
Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй11
Каментары