Dla miru va Ukrainie nie pavinna być nijakaha NATO, vajskovych baz i vučeńniaŭ z udziełam zamiežnych vojskaŭ, zajaviŭ ministr zamiežnych spraŭ Rasii amierykanskamu žurnalistu Takieru Karłsanu.
Pra adnosiny z ZŠA
«Aficyjna my nie vajujem. Niekatoryja toje, što adbyvajecca va Ukrainie, nazyvajuć hibrydnaj vajnoj. Ja b taksama heta tak nazvaŭ».
«Heta nie toje, čaho my chočam. Viadoma, my chacieli b mieć narmalnyja adnosiny z usimi našymi susiedziami. Naohuł z usimi krainami, asabliva z takoj vialikaj krainaj, jak ZŠA».
«U Rasii i ZŠA jość zakrytyja kanały suviazi, ale pa ich abmiarkoŭvajucca ŭ asnoŭnym abmieny źniavolenymi. Što tyčycca Ukrainy, amierykancy pieradajuć kanfidencyjna «toje ž, pra što kažuć publična».
Pra pahrozu jadziernaj vajny
«My nie dumajem pra vajnu z ZŠA, jakaja moža mieć jadzierny charaktar. Naša vajennaja daktryna abviaščaje, što samaje hałoŭnaje — paźbiehnuć jadziernaj vajny».
«Zajavy Zachadu ab mahčymaści abmiežavanaha abmienu jadziernymi ŭdarami vyklikajuć tryvohu: «Heta zaprašeńnie da katastrofy, jakoj my nie chočam».
Pra «Arešnik»
«Paviedamleńnie, jakoje chacieli danieści, vypraboŭvajučy hetuju hipierhukavuju sistemu ŭ realnych umovach, zaklučajecca ŭ tym, što budziem hatovyja zrabić usio, kab abaranić našy zakonnyja intaresy».
U Rasii «chacieli b paźbiehnuć nieparazumieńnia», ale hatovyja «nakiravać dadatkovyja «paviedamleńni».
«My nie chočam paharšać situacyju. Ale pakolki pa terytoryi Rasii vykarystoŭvajucca ATACMS i inšaja zbroja vialikaj dalokaści, my pasyłajem sihnały».
Maskva aŭtamatyčna apaviaściła Vašynhton ab zapusku rakiety za paŭhadziny: «Jany viedali, što heta zdarycca i nie prymali jaje za niešta bolš maštabnaje i pa-sapraŭdnamu niebiaśpiečnaje».
Pra Ukrainu
Kali b nie pieravarot u Kijevie, Krym byŭ by ŭ składzie Ukrainy, a kali b Kijeŭ vykanaŭ Minskija pahadnieńni, u składzie Ukrainy zastaŭsia b Danbas.
«U nas niama namieru źniščać ukrainski narod. Jany braty i siostry rasijskamu narodu».
«Klučavym dla RF zastajecca pazabłokavy status Ukrainy: «Nijakaha NATO. Nijakich vajskovych baz, vajskovych vučeńniaŭ na ŭkrainskaj ziamli z udziełam zamiežnych vojskaŭ».
«Urehulavańnie pavinna ŭličvać ŭvachodžańnie ŭ skład Rasii čatyroch novych rehijonaŭ i nieabchodnaść admianić rusafobskija zakony va Ukrainie.
Pra sankcyi
«Jany nikoli nie zabjuć nas. I heta robić nas macniejšymi».
Ab abvastreńni ŭ Siryi
«Rasija, Iran i Turcyja padtrymlivajuć kantakty ŭ suviazi z abvastreńniem u Siryi. U Maskvy jość infarmacyja ab zamiežnych sponsarach bajevikoŭ».
Pra Trampa
«Dumaju, jon mocny čałaviek, jaki choča dasiahać vynikaŭ, nie lubić adkładać spravy na potym. Heta majo ŭražańnie. Jon vielmi pryjazny ŭ razmovie. Adnak heta nie značyć, što Tramp nastrojeny prarasijsku».
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud16
Kamientary