Першая ракетка свету тэнісістка Арына Сабаленка адказала на пытанні, звязаныя з бразільскім бізнэсоўцам Георгіясам Франгулісам, з якім яна знаходзіцца ў адносінах з сакавіка.
— Я даволі паспяховы чалавек. Мой малады чалавек таксама даволі паспяховы. Мы абое вельмі моцныя асобы. Абое патрабавальныя ў асобных момантах і эмацыйныя. Таму нашы адносіны — гэта праца двух людзей. Дзесьці трэба прамаўчаць, дзесьці — наадварот. Я стараюся бачыць толькі добрае. Спадзяюся, Георгіяс таксама.
Так атрымліваецца, што ён паўсюль ездзіць са мной, падстройваецца пад мой графік. Мне пашанцавала, што ў яго бізнэс па ўсім свеце. Прычым справы часта ёсць якраз там, дзе я гуляю ў тэніс.
— Увогуле, вы створаны адно для аднаго?
— Я не хачу нічога гаварыць. Сапраўды, столькі разоў у жыцці памылялася, што… Дай бог. Я, вядома, разумею, што шчасце любіць цішыню. Але ў маім выпадку гэта складана. Георгіяс вельмі «інстаграмны».
— Але ты таксама магла б дзесьці нешта схаваць…
— Я, напэўна, проста такі чалавек. Увесь час знаходжуся ў моманце. Калі ёсць нешта добрае, я гэта выкладаю. Я адкрытая са сваімі падпісчыкамі, люблю паказваць сваё жыццё. Дзе-нідзе натхняю кагосьці. Хочацца, каб часам пасмяяліся з маёй тупасці ці майго паста, — падкрэсліла Арына ў інтэрв’ю Bet Boom.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос24
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
и это НЕ СМЕШНО..