Ціханоўская ў Давосе сустрэлася з заснавальнікам Вікіпедыі і падзякавала за «канчатковае вырашэнне» беларускага пытання
Святлана Ціханоўская ў Давосе сустрэлася з заснавальнікам Вікіпедыі Джымі Вэйлзам.
Ціханоўская перадала шэраг прапановаў ад беларускай вікі-супольнасці:
— неабходнасць удзелу беларускіх вікіпедыстаў у мерапрыемствах Wikimedia Foundation. Вэйлз пацвердзіў, што запросіць іх на канферэнцыю Wikimania, каб яны маглі падзяліцца сваім досведам. Акрамя таго, бакі дамовіліся пашырыць кантакт паміж беларускай вікі-супольнасцю і Wikimedia Foundation для вырашэння ключавых пытанняў і пашырэння падтрымкі;
— праблему прыярытэту рускамоўных артыкулаў у пошукавых сістэмах, што абмяжоўвае бачнасць беларускамоўнай Вікіпедыі;
— пытанні бяспекі беларускіх вікіпедыстаў ва ўмовах рэпрэсій і магчымасці іх падтрымкі праз супольныя праграмы.
Напрыканцы размовы Святлана Ціханоўская падзякавала спадару Вэйлзу за канчатковае рашэнне выкарыстоўваць назву «Беларусь» замест «Белоруссия».
Каментары
Сразу стало приятней жить