26 студзеня і ў наступныя дні ў дзясятках гарадоў свету пройдуць беларускія акцыі з мэтай прыцягнення ўвагі свету да парушэння правоў чалавека ў Беларусі і правядзення рэжымам Лукашэнкі пад шырмай выбараў «бязвыбараў». Цэнтрам мерапрыемстваў стане Варшава, дзе пройдуць Марш беларусаў і форум «Беларусы годныя лепшага». Але беларусы ў некаторых іншых месцах пачалі акцыі напярэдадні.
Польшча
Напярэдадні асноўнага дня галасавання актывіст Сяргей Стальмакоў правёў адзіночны пікет на польска-беларускай мяжы, піша Most.
З польскага боку, усяго за 30 метраў ад шлагбаўма, ён паставіў імправізаваную скрыню для бюлетэняў у выглядзе ўнітаза, а збоку павесіў рулон туалетнай паперы. На скрыні ён напісаў: «Папера для галасавання».
Па словах Сяргея, мэта акцыі — нагадаць беларусам пра фальсіфікацыю выбараў у краіне.
Украіна
Тут прайшоў адзіночны пікет з нагоды «выбараў», піша «Вясна».
ЗША
У Чыкага з'явіліся налепкі з «абвешчанным у вышук» Лукашэнкам. Так беларусы гэтага горада выказалі свае адносіны да «выбараў», піша «Вясна».
Ізраіль
У Тэль-Авіве беларусы распаўсюдзілі улёткі пра сітуацыю ў Беларусі на іўрыце, а таксама сімвалічна «прагаласавалі» — апусцілі бюлетэнь з Лукашэнкам у шрэдар, піша «Вясна».
Нагадаем, пачатак маршу ў Варшаве 26 студзеня — 12:00. Маршрут: Plac Trzech Krzyży — Pomnik Kopernika — Plac Zamkowy, дзе ў 13:15 запланаваны мітынг.
У 14:00 пачнецца форум «Беларусы годныя лепшага».
Начальнік міліцыі Брагіна страляў у сваю жонку. Яна цудам выжыла9
Каментары