У Крамлі назвалі пустымі словамі заяву Зяленскага аб гатоўнасці да перамоў з Пуціным
Напярэдадні прэзідэнт Украіны заявіў, што гатовы сесці за стол перамоў з Пуціным, калі гэта прынясе мір.
«Трэба цалкам усведамляць тое, што адбываецца. Аналіз з нашага боку, які неаднаразова агучваўся прэзідэнтам Пуціным, сведчыць пра тое, што спадар Зяленскі мае вялікія праблемы дэ-юрэ з пункту гледжання сваёй легітымнасці. Але нават нягледзячы на гэта, расійскі бок застаецца адкрытым для перамоў», — цытуюць прэс-сакратара Дзмітрыя Пяскова расійскія інфармацыйныя агенцтвы.
Украіна ўвяла забарону на прамыя перамовы з Пуціным восенню 2022 года, калі Расія замацавала ў сваёй Канстытуцыі анексію чатырох украінскіх абласцей. Украінскія законы таксама забараняюць правядзенне выбараў падчас дзеяння ваеннага становішча.
Напярэдадні Уладзімір Зяленскі заявіў у інтэрв’ю брытанскаму журналісту Пірсу Моргану, што гатовы сесці за стол перамоў з Уладзімірам Пуціным, калі гэта прынясе мір. Ён таксама дадаў, што яго стаўленне да расійскага лідара ў дадзеным выпадку не мае значэння.
«Я лічу яго ворагам і, шчыра кажучы, думаю, што ён таксама лічыць мяне ворагам», — сказаў украінскі прэзідэнт.
Цяпер чытаюць
Бабарыка пра сябе ў 2020-м: Гэта не наіўнасць. Не думаю, што такога крыважэрнага сцэнара нехта чакаў79
Бабарыка пра сябе ў 2020-м: Гэта не наіўнасць. Не думаю, што такога крыважэрнага сцэнара нехта чакаў
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1616
Каментары