Расійскія спецслужбы стварылі новае падраздзяленне для барацьбы з Захадам
Новае падраздзяленне расійскіх спецслужбаў-Дэпартамент спецыяльных задач — з'явілася ў Расіі ў 2023 годзе ў адказ на падтрымку Украіны краінамі Захаду. Задачай гэтага падраздзялення сталі таемныя аперацыі супраць Захаду, кажуць крыніцы The Wall Street Journal.
Дэпартамент стаіць за шэрагам нападаў на Захад, у тым ліку планаваным замахам на генеральнага дырэктара нямецкага вытворцы зброі Rheinmetall Арміна Папергера і ўзгараннем пасылак у лагістычных цэнтрах DHL, піша «Агенцтва».
Дэпартамент месціцца ў штаб-кватэры ГРУ. Ён узяў на сябе некаторыя функцыі ФСБ і паглынуў вайсковую частку 29155 — падраздзяленне ГРУ, якое лічыцца адказным за атручэнне Сяргея Скрыпаля ў Вялікабрытаніі ў 2018 годзе.
Дэпартамент, як кажуць крыніцы WSJ ў заходніх разведках, мае як мінімум тры асноўныя задачы: забойствы і дыверсіі за мяжой, пранікненне ў заходнія кампаніі і універсітэты і вярбоўка замежных агентаў.
Дэпартамент вярбуе агентаў з Украіны, краін, што развіваюцца, а таксама дзяржаў, якія лічацца дружалюбнымі Расіі (напрыклад, Сербіі). Дэпартамент таксама кіруе элітным цэнтрам спецыяльных аперацый, вядомым як «Сенеж» (в/ч 92154).
Асаблівую ўвагу Дэпартамент надае Германіі. Масква разглядае гэтую краіну як слабое звяно ў НАТА праз залежнасць ад расійскіх энерганосьбітаў, ростам занепакоенасці з нагоды ядзернай эскалацыі і сімпатый да Расіі сярод некаторых палітыкаў і выбаршчыкаў.
Кіруе Дэпартаментам генерал Андрэй Авяр'янаў. Раней ён узначальваў вайсковую частку 29155 ГРУ і, як пісаў The Insider, да 2023 года стаў намеснікам начальніка ГРУ, які курыруе ваенныя і гібрыдныя аперацыі ў Афрыцы, Азіі і на Блізкім Усходзе.
Яго намесьнік на пасадзе кіраўніка новага Дэпартамэнту-генэрал-лейтэнант Іван Касьяненка, які, на думку заходніх спецслужбаў, каардынаваў апэрацыю па атручваньні Скрыпаля. Ён кіруе таемнымі аперацыямі ў Еўропе і адказвае за перахоп кантролю над афрыканскімі структурамі «ПВК Вагнера» пасля смерці Яўгена Прыгожына.
Дзейнасць дэпартамента дасягнула піку летам 2024 года і апошнім часам пайшла на спад, сказалі газеце крыніцы сярод чыноўнікаў у ЗША і Еўропе. Скарачэнне аперацый можа быць звязана са спробай Расіі стварыць прастору для перамоваў з новай амерыканскай адміністрацыяй, кажуць два суразмоўцы WSJ з ліку кіраўнікоў разведак краін Еўропы.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3030
Каментары