Дальнабойшчыка не прапусцілі з Беларусі ў Літву з-за вымпела расійскай СПА
Літоўскія памежнікі не ўпусцілі ў краіну грамадзяніна Расіі, які 17 лютага ехаў праз беларуска-літоўскую мяжу за рулём грузавіка праз пункт пропуску «Меднікі». Рэч у тым, што літоўскія памежнікі заўважылі ў кабіне 38-гадовага кіроўцы вымпел расійскіх СПА з георгіеўскай стужкай, паведамляе Памежная служба Літвы.
Фота: vsat.lrv.lt
Заканадаўства Літвы забараняе дэманстрацыю савецкіх сімвалаў, а таксама сімвалаў таталітарных і аўтарытарных рэжымаў. Георгіеўская стужка была забароненая ў Літве ў красавіку 2022 як сімвал расійскай агрэсіі супраць Украіны.
Фота: vsat.lrv.lt
У выніку расіяніна аштрафавалі на 150 еўра па адміністрацыйным артыкуле. Яму забаранілі ўезд у Літву і вярнулі ў Беларусь.
Каментары