Свет22

Заснаваны беларусам стартап сумесна з нямецкай кампаніяй распрацоўвае ШІ-смартфон

Стартап Perplexity, адным з заснавальнікаў якога стаў беларус Дзяніс Ярац, сумесна з нямецкім Deutsche Telekom анансаваў смартфон на базе штучнага інтэлекту. Падрабязнасці распавядае devby.

Дзяніс Ярац. Фота: devby.io

Анонс новай мадэлі кампаніі зрабілі на выставе Mobile World Congress, якая адбываецца ў Барселоне. У смартфон Deutsche Telekom будзе ўбудаваны чат-бот Perplexity.

Штучны інтэлект зможа браніраваць авіябілеты і гатэлі, пісаць мэйлы, рабіць званкі, ствараць нагадайкі і не толькі, каб эканоміць карыстальнікам час і сілы.

Для Perplexity гэты праект азначае пераход ад стварэння сістэм, якія проста адказваюць на пытанні, да сістэм, якія выконваюць карысныя дзеянні для карыстальніка, адзначыў гендырэктар кампаніі Аравінд Шрынівас.

У гэтым студзені Perplexity запусціў ШІ-асістэнта для Android. Верагодна, ён ляжа ў аснову новага дэвайса.

Perplexity і DT пачалі супрацоўніцтва ў красавіку 2024 года. DT упершыню згадвала пра AI Phone у мінулым годзе. Тэхнічныя характарыстыкі гаджэту кампанія не раскрывае, як і тое, хто яго будзе вырабляць і якая аперацыйная сістэма будзе на борце (мяркуючы па скрыншотах, гэта будзе Android). Падрабязнасці абяцаюць у другім паўгоддзі.

Дзяніс Ярац — сузаснавальнік Perplexity, які нарадзіўся ў 1987 годзе ў Гомелі і цяпер жыве ў Сан-Францыска. Вучыўся беларус на факультэце прыкладной матэматыкі і інфарматыкі БДУ. Студэнт часта ўдзельнічаў у алімпіядах, а пасля працаваў у «Яндэксе».

Падчас студэнцкага абмену ў Берклі беларус пазнаёміўся з Аравіндам Шрынівасам, які таксама вывучаў машыннае навучанне і потым працаваў даследчыкам у OpenAI. Яны пасябравалі і ў 2022 годзе вырашылі сысці з найму, каб стварыць новы від пошуку ў інтэрнэце.

Так нарадзіўся Perplexity. Трэцім сузаснавальнікам стартапа стаў Джоні Хо — калега Яраца па Quora.

Каментары2

  • Фу-фу-фу
    05.03.2025
    "а пасля працаваў у «Яндэксе»"... Вось так і псуецца карма на ўсё жыццё.
  • Найн
    05.03.2025
    Навошта дзеля праграмнага прадукта навязваць людзям асобны дэвайс? Нават у гугла з гэтым не дужа каб атрымалася, а тут дзёрзкі стартап. Ну, удачы. Хаця я не веру, што ўзляціць.

Цяпер чытаюць

Стаяць на адной назе з кнігай на галаве ў памяць пра блакаду Ленінграда. Чыноўнікі запусцілі вельмі дзіўны чэлендж да 9 Мая

Стаяць на адной назе з кнігай на галаве ў памяць пра блакаду Ленінграда. Чыноўнікі запусцілі вельмі дзіўны чэлендж да 9 Мая

Усе навіны →
Усе навіны

Эрдаган: Без Турцыі Еўропа не зможа гарантаваць сваю бяспеку1

Што адбываецца з бульбай у Беларусі і чаму яе стала менш у крамах. Рэч не толькі ў змяншэнні аб'ёмаў пасадак2

На суботніку ў Мінску Лукашэнка саджаў дрэвы, шкодныя для беларускай прыроды7

Лукашэнка: Мы хочам з Пакістана спецыялістаў, а не проста моладзь. І найперш у Баранавічы45

У Херсонскай вобласці дрон кінуў выбухоўку на 86-гадовую жанчыну1

Пазняк кажа пра хуткія перамены ў Беларусі: Спадзяюся, я ў гэтым паўдзельнічаю86

Дуда: Трамп — гэта найлепшы шанец на мір ва Украіне9

26-гадовы ўкраінскі пілот загінуў падчас баявога задання на самалёце F-168

Лукашэнка пракаментаваў знікненне Анжалікі Мельнікавай38

больш чытаных навін
больш лайканых навін

Стаяць на адной назе з кнігай на галаве ў памяць пра блакаду Ленінграда. Чыноўнікі запусцілі вельмі дзіўны чэлендж да 9 Мая

Стаяць на адной назе з кнігай на галаве ў памяць пра блакаду Ленінграда. Чыноўнікі запусцілі вельмі дзіўны чэлендж да 9 Мая

Галоўнае
Усе навіны →

Заўвага:

 

 

 

 

Закрыць Паведаміць