Навука і тэхналогіі33

ChatGPT адкрыў функцыю Deep Research для карыстальнікаў з самай таннай падпіскай. Вось як яна працуе і што можа

OpenAI анансавала, што функцыя Deep Research будзе даступнай для ўсіх, хто мае падпіску. Новы рэжым значна лепш аналізуе даныя, чым папярэднія функцыі — распавядаем.

ChatGPT. Фота: freemalaysiatoday.com/CC BY 4.0

Функцыя створаная для таго, каб вырашаць за вас задачы, у тым ліку побытавыя. Напрыклад, ён можа дапамагчы выбраць кававарку або пыласос, прааналізаваць сайт канкурэнта ці знайсці найлепшы варыянт для адпачынку. Але не ўсё так бязвоблачна.

Па-першае, яна працуе толькі на платных версіях ChatGPT, якія з Беларусі купіць праблематычна. Але гэта толькі палова бяды.

Па-другое, мадэль часта галюцыніруе. І гэта паказалі нашы тэсты.

У першым з запытаў мы папрасілі ChatGPT уявіць, што мы ладзім бізнэс-мерапрыемства. Мы ўказалі колькасць прадуктаў для фуршэту і папрасілі мадэль знайсці іх па самых танных цэнах на сайце «Едастаўка». ChatGPT задаў некалькі ўдакладняльных пытанняў і пачаў рэсёрч.

Удакладняючыя пытанні ад ChatGPT

Варта зазначыць, што гэта быў удалы кейс. Ён грунтоўна прааналізаваў сайт «Едастаўкі» і нават сам абыходзіў капчу. У выніку ChatGPT высветліў, што танней купляць на сайце для бізнэсу і оптам.

Прыкладна праз гадзіну ён выдаў вынік і нават склаў табліцу з усімі пазіцыямі. Мы праверылі — цэны супадалі, разлік быў карэктны.

Вынік даследвання ад ChatGPT

Пасля гэтага мы вырашылі праверыць, як ён справіцца з каталогам Анлайнера. І тут пачаліся праблемы.

Запыт быў такі — абяры мне ноўтбук па параметрах з зададзенымі характарыстыкамі. Характарыстыкі мы ўказалі даволі строга і ён сапраўды адшукаў патрэбныя мадэлі. Магчыма, гэта наша хіба, бо мы не ўказалі фактар наяўнасці як вырашальны. ChatGPT сам заўважыў, што адзін з ноўтбукаў «цяжка дастаць», таму параіў яшчэ два, якіх таксама не было ў наяўнасці.

Табліца першага рэсёрча ChatGPT

Таксама мы заўважылі, што ён не адрознівае прапановы новых ноўтбукаў і бэушных, якія прадаюцца па аб'явах.

ChatGPT заўважыў, што некаторыя ноўтбукі недаступныя, але ў рэчаіснасці яны ўсе былі недаступныя

Таму мы стварылі новы запыт — павялічылі суму, указалі фактар наяўнасці і папрасілі абраць аптымальны варыянт. Гэтым разам ён даў рады лепш і абраў рэалістычны варыянт.

Выніковы рэсёрч ChatGPT — ужо больш адэкватны

Наш вывад такі: функцыя можа быць карыснай, але слепа давяраць ёй не варта.

«Наша Нiва» — бастыён беларушчыны

ПАДТРЫМАЦЬ

Каментары3

  • Цетка з Беластока
    19.03.2025
    У прыкладзе з анлайнерам праблема не ў чаце, а ва няўдалым промпце
  • Жыпіты
    19.03.2025
    Гэта малое дзіця, якое павінна яшчэ вырасці і паразумнець.
    Карыстуйцесь пакуль сваім розумом, калі ён у вас ёсць.
  • Промт
    19.03.2025
    Цетка з Беластока, справа яшчэ ў тым, што пакуль што нармальнае карыстанне чатамГПТ патрабуе навыкаў праграмавання. То бок, гэта не інструмент для ўсіх аднолькава эфектыўны.

Цяпер чытаюць

Выйшаў на свабоду былы топ-журналіст АНТ Дзмітрый Семчанка7

Выйшаў на свабоду былы топ-журналіст АНТ Дзмітрый Семчанка

Усе навіны →
Усе навіны

«Натуральная спакуса — увапхнуць у сябе ўсё, пра што ў няволі заставалася толькі мроіць». Былы палітвязень Карней расказаў пра турэмны рацыён і як ад яго адыходзіць4

У Дзяржынску ў двары дома заўважылі вярблюда ВІДЭА

У Варшаве беларуску затрымалі на падставе запыту Інтэрпала7

У Венгрыі жукі ўзяліся знішчаць гістарычную спадчыну

Ціханоўскі: У культуры асаблівы ўклад прыўнесці не магу, крыху не мая тэма22

У Беларусі з аўкцыёну прадаюць участак чыгункі. Колькі каштуе дзіцячая мара?

У Зэльве ўпершыню аднавілі «атаку мерцвякоў» у Першай сусветнай вайне. Што вядома пра гэтую бітву4

Гіганцкі айсберг пагражае жыхарам вёскі ў Грэнландыі. Яго фоты заварожваюць4

Маласольныя агуркі: у чым іх карысць і навошта дадаваць у слоік лісце дуба і парэчак16

больш чытаных навін
больш лайканых навін

Выйшаў на свабоду былы топ-журналіст АНТ Дзмітрый Семчанка7

Выйшаў на свабоду былы топ-журналіст АНТ Дзмітрый Семчанка

Галоўнае
Усе навіны →

Заўвага:

 

 

 

 

Закрыць Паведаміць