Лукашэнка пракаментаваў прапанову Макрона пра ядзерны парасон над Еўропай.
«Ім бы гэты «парасон» над Францыяй не страціць, а не тое што яны гэты «парасон» над усёй Еўропай будуць трымаць. Няхай «парасон» свой падымуць хоць бы над Германіяй. Ці, ну, можна так сказаць, падзеляцца ядзернай зброяй з Германіяй — вечным, гістарычным сваім ворагам», — сказаў ён.
«Ну цяпер нібыта замірыліся. Але хто яго ведае? У іх прэтэнзій адзін да аднаго каласальнае мноства. У палякаў з немцамі, ведаеце, — Усходняя Прусія», — паразважаў Лукашэнка.
«…Урсула [фон дэр Ляен] ні разу не бачыла не тое што сучасныя сродкі паражэння, яна нават нармальнага пісталета не бачыла…» — заявіў Аляксандр Лукашэнка, які ў лютым 2022 года прагназаваў, што вайна ва Украіне працягнецца «3—4 дні».
На мінулым тыдні прэзідэнт Францыі Эмануэль Макрон у звароце да суграмадзян заявіў, што Расія стала пагрозай для Францыі і Еўропы, і ў сувязі з гэтым заклікаў пачаць дыскусію аб выкарыстанні ядзернай зброі Францыі для абароны ўсяго ЕС, адзначыўшы, што ЗША змянілі пазіцыю па Украіне і па пытанні лідзіруючай ролі Вашынгтона ў НАТА.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары