Łukašenka prakamientavaŭ prapanovu Makrona pra jadzierny parason nad Jeŭropaj.
«Im by hety «parason» nad Francyjaj nie stracić, a nie toje što jany hety «parason» nad usioj Jeŭropaj buduć trymać. Niachaj «parason» svoj padymuć choć by nad Hiermanijaj. Ci, nu, možna tak skazać, padzielacca jadziernaj zbrojaj z Hiermanijaj — viečnym, histaryčnym svaim voraham», — skazaŭ jon.
«Nu ciapier nibyta zamirylisia. Ale chto jaho viedaje? U ich pretenzij adzin da adnaho kałasalnaje mnostva. U palakaŭ ź niemcami, viedajecie, — Uschodniaja Prusija», — parazvažaŭ Łukašenka.
«…Ursuła [fon der Lajen] ni razu nie bačyła nie toje što sučasnyja srodki paražeńnia, jana navat narmalnaha pistaleta nie bačyła…» — zajaviŭ Alaksandr Łukašenka, jaki ŭ lutym 2022 hoda prahnazavaŭ, što vajna va Ukrainie praciahniecca «3—4 dni».
Na minułym tydni prezident Francyi Emanuel Makron u zvarocie da suhramadzian zajaviŭ, što Rasija stała pahrozaj dla Francyi i Jeŭropy, i ŭ suviazi z hetym zaklikaŭ pačać dyskusiju ab vykarystańni jadziernaj zbroi Francyi dla abarony ŭsiaho ES, adznačyŭšy, što ZŠA źmianili pazicyju pa Ukrainie i pa pytańni lidzirujučaj roli Vašynhtona ŭ NATA.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień8
Kamientary