Грамадства55

«Узяла іх цэлы мех». Беларуска паказала, якія прадукты прывозіць з Польшчы, і справакавала бурную дыскусію

Беларуска з'ездзіла на шопінг у Польшчу і расказала пра гэта ў сваім тыктоку. Відэаролік набраў амаль 300 тысяч праглядаў. Каментары карыстальнікаў падзяліліся: хтосьці парадаваўся за жанчыну, а хтосьці палічыў такую паездку бессэнсоўнай — маўляў, усё гэта ёсць у Беларусі, прычым значна танней, піша Most.

Здымак ілюстрацыйны. Фота: freepik.com

Кошык беларускі, якая прыехала з Польшчы, выйшаў дастаткова аб'ёмным. Там і бытавая хімія (сродак для мыцця, пральны парашок, апаласквальнікі, сродкі для ачысткі пасудамыйкі), і сродкі асабістай гігіены, напрыклад, зубная паста і дэзадаранты.

@nadin_6uk Что везут белорусы из Польши часть 1 #польша #беларусь #граница #закупы #покупки #распаковка ♬ оригинальный звук - nadin_6uk

З прадуктаў жанчына прывезла з Польшчы ў Беларусь какосавае масла і рапсавы алей, розныя прыправы, жэлацінавыя цукеркі, печыва, шакаладкі Milka, пасту Nutella, некалькі відаў чаю, каву Dallmayr, арэхі, сыр, каўбасу ў белай цвілі і памідоры чэры.

«Узяла іх цэлы мех гэтым разам. Выходзяць 21 рубель за кілаграм, а ў Беларусі ўпакоўка 250 грам — 13 рублёў, дзесьці нават 15. Усяго кілаграм каштуе прыкладна 50 рублёў», — патлумачыла жанчына.

Таксама з Польшчы яна прывезла і шмат розных вітамінаў. Па словах беларускі, яны значна таннейшыя, ды і па складзе добрыя.

Пад відэаролікам разгарэлася сапраўдная дыскусія. Распакоўка польскіх тавараў набрала ў тыктоку амаль 700 каментароў. Многія карыстальнікі пісалі, што не бачаць сэнсу ў шопінгу ў Польшчы:

«Ты напішы, колькі грошай аддала. У Беларусі аддала б у два разы менш».

«Такое адчуванне, што Беларусь як Паўночная Карэя. Усё нешта вязуць, калі можна гэта ўсё купіць тут».

«Ці варта за гэтым ехаць і мучацца, нічога істотнага».

«Памідоры чэры ў «Еўраопце» 28 рублёў каштуюць».

«А Бацька не будзе лаяць? Бо ў Беларусі ўсё самае лепшае».

«У Беларусі ўжо ўсё па той жа самай цане, а калі дадаць кошт аплаты за дарогі, то і наогул сэнсу няма!»

У адказ іншыя карыстальнікі пісалі, што якасць тавараў з Польшчы значна лепшая. А калі купляць прадукты па акцыі, то і больш выгадна атрымліваецца.

«Заходзіш на рынак, і там таксама польскае прадаюць. Але цана іншая. А калі параўноўваць якасць, то неба і зямля. Той жа парашок — як вада ў «Міле» або «Востраве чысціні»».

«Вітаміны шыпучыя — 6 злотых, або 4 рублі на беларускія, у аптэцы Беларусі — ад 12 рублёў».

«Калі ў мяне ёсць магчымасць купляць таннейшай і лепшай якасці ў іншым месцы, то чаму гэта не рабіць».

«Хто не спрабаваў еўрапейскую хімію, прысмакі, каву, той не зразумее. Для параўнання купіце каву ці «Нутэлу» ў нас у краме і з Еўропы, параўнайце смак — і зразумееце розніцу».

Сама ж аўтарка відэароліка ў каментарах напісала, што згодная з тым, што ў Беларусі ўсё смачнае, але ў Польшчы выходзіць усё ж танней. А сам шопінг не выклікае ніякіх пакут — маўляў, у Польшчу яны едуць па сваіх справах і прагуляцца, а на зваротным шляху закупляюцца ўсім неабходным.

Каментары5

  • Яніна
    31.03.2025
    [Рэд. выдалена]
  • И Жук и Жаба
    31.03.2025
    [Рэд. выдалена]
  • даведка
    31.03.2025
    Вот интересно, почему в Польше и Беларуси примерно одинаковая цена на молотый итальянский кофе Lavazza, но при этом двукратная разница на немецкий Dallmayr?!

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця7

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

Больш танныя балістычныя ракеты радыкальна мяняюць правілы вайны1

Пажар тушаць гукам. Як гэта магчыма?

Сабаленка пракаментавала, што яе нецэнзурныя словы адрасаваліся не Світолінай16

Сустрэча Пуціна, Сі Дзіньпіна і Трампа пройдзе 19 лістапада1

Стала вядома, дзе будзе знаходзіцца Офіс Ціханоўскай у Варшаве32

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць