Гісторыя Беларусі — у топ-5. Пералічаныя самыя папулярныя прадметы ЦТ у 2025 годзе
Цэнтралізаванае тэсціраванне ў гэтым годзе будуць здаваць больш за 60 тысяч чалавек.
На цэнтралізаванае тэсціраванне ў 2025 годзе запісаліся больш за 60,6 тысячы чалавек.
Пра гэта расказаў дырэктар Рэспубліканскага інстытута кантролю ведаў Юрый Міксюк. У лідарах сярод самых папулярных у абітурыентаў прадметаў замежная мова, піша БелТА.
«Агульная колькасць зарэгістраваных на ЦТ — больш за 60,6 тысячы чалавек. Яны напішуць больш за 86,2 тысячы тэстаў. На першым месцы па папулярнасці замежная мова, здаваць яе будуць больш за 17,1 тысячы абітурыентаў. На фізіку зарэгістравалася больш за 13,7 тысячы чалавек.
Падцягнулася руская мова, яе здаваць плануюць больш за 11,5 тысячы паступаючых. На матэматыку зарэгістравалася больш за 11,4 тысячы чалавек. Замыкае топ-5 прадметаў гісторыя Беларусі і больш за 8,5 тысячы тых, хто здае», — расказаў Міксюк.
Цэнтралізаваныя экзамены і ЦТ пройдуць у адзіныя тэрміны для выпускнікоў 2025 года, выпускнікоў мінулых гадоў і выпускнікоў каледжаў.
- 26 мая — ЦЭ па прадмеце на выбар для 11-класнікаў і ЦТ па прадмеце на выбар для выпускнікоў мінулых гадоў і выпускнікоў каледжаў.
- 29 мая — ЦЭ па беларускай або рускай мове для 11-класнікаў і ЦТ па беларускай або рускай мове для выпускнікоў мінулых гадоў і выпускнікоў каледжаў
- 2 і 5 чэрвеня — ЦТ па прадмеце на выбар для ўсіх абітурыентаў.
Рэзервовымі днямі для ЦТ вызначаныя 19, 21, 23 чэрвеня. Рэзервовыя дні для ЦЭ — 21, 23 чэрвеня, іншыя тэрміны — 18, 20 жніўня.
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары