Хоць інфармацыя пра тэлефоны ніяк не прапісаная ў Кодэксе аб адукацыі, тым не менш норма «школа — тэрыторыя без тэлефона» ўступіць у сілу з 1 верасня, расказаў начальнік галоўнага ўпраўлення па адукацыі Мінаблвыканкама Мікалай Башко.
Паводле слоў чыноўнікаў, тэма тэлефонаў гэтая «ўжо пераспела» і будзе даведзена да свайго лагічнага завяршэння.
«У цяперашні час вядзецца тлумачальная праца з бацькоўскай грамадскасцю і навучэнцамі. Прыходзячы ва ўстанову адукацыі, дзіця павінна будзе здаць свой гаджэт і атрымаць яго пасля заканчэння вучэбных заняткаў. Месцы, дзе будуць захоўвацца мабільныя тэлефоны, і пералік асоб, якія адказваюць за іх захаванасць, ужо вызначаны. Хто б што ні казаў, усе прызнаюць: інфармацыя, якая атрымліваецца сёння дзіцем з тэлефона, — некантралюемая», — кажа Башко.
Ён сцвярджае, што «многія прэстыжныя ўстановы адукацыі адмяняюць у сваіх сценах не толькі тэлефоны, але і іншую электроніку — тэлевізары, планшэты, камп'ютары».
«Наглядныя плакаты, навучальныя дапаможнікі, дошка, мел і жывыя зносіны больш спрыяюць навучанню, чым электроніка», — мяркуе чыноўнік.
Цяпер чытаюць
На Мазырскім нафтаперапрацоўчым заводзе прайшлі затрыманні сярод кіраўніцтва1
Каментары