Яе гісторыя налічвае 33 гады.
Сход акцыянераў ЗАТ «Белбізнэспрэс», які з’яўляецца заснавальнікам і выдаўцом «Эканамічнай газеты», прыняў рашэнне спыніць яе выпуск з ліпеня гэтага года, паведамляецца на сайце выдання.
Журналісты прыпамінаюць, як было заснавана выданне.
«Пачатак 90-х гадоў мінулага стагоддзя. У эканамічнай сферы адбываецца рэвалюцыйная трансфармацыя. Нараджаюцца і набіраюць сілу рынкавыя адносіны. Гэта азначала, што гаспадарчае жыццё цяпер павінна ісці па новых правілах. А як, дзе аператыўна атрымаць неабходныя нарматыўна-прававыя дакументы? Ні адпаведных выданняў, ні тым больш сайтаў тады яшчэ не існавала.
Вялізны грамадскі запыт на такую крыніцу інфармацыі і прадвызначыў з’яўленне «Эканамічнай газеты» (з 1992 па 2005 год — «Нацыянальная эканамічная газета»).
Дакументы, каментары да іх, тлумачэнні складаных пытанняў гаспадарчай дзейнасці, якія на працягу многіх гадоў друкаваліся на старонках газеты, забяспечылі выданню папулярнасць (разавы наклад дасягаў сарака з лішнім тысяч асобнікаў) і ўдзячнасць чытацкай аўдыторыі», — адзначаюць выдаўцы.
Цяпер чытаюць
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў3
Каментары