Украінскі сайт «Міратворац», які публікуе базу асоб, што, на думку стваральнікаў рэсурса, пагражаюць нацыянальнай бяспецы Украіны, унёс у свой спіс кіраўніка беларускага МЗС Максіма Рыжанкова.
У картцы Рыжанкова пазначана, што ён датычны да прапаганды вайны і публічнай падтрымкі расійскай агрэсіі, а таксама да ўдзелу ў легітымізацыі расійскай акупацыі Данбаса. Яму інкрымінуюць замах на суверэнітэт і тэрытарыяльную цэласнасць Украіны. Яго называюць «саўдзельнікам злачынстваў расійскай улады супраць Украіны і яе грамадзян».
Сярод канкрэтных падстаў для ўнясення ў базу згадваецца спартыўная дзейнасць Рыжанкова, які з’яўляецца старшынёй Беларускай федэрацыі баскетбола.
Хто забараняе ў Беларусі кнігі — вось гэтыя 22 чалавекі33
Каментары