Міністры замежных спраў ЕС ухвалілі пашырэнне санкцыйнага рэжыму ў дачыненні да Беларусі
Паводле прапановы Літвы, рэжым санкцый ЕС супраць Беларусі быў дапоўнены трыма дадатковымі крытэрыямі, паведамляе МЗС Літвы.
Міністры замежных спраў ЕС 15 снежня ў Бруселі ўхвалілі пашырэнне санкцыйнага рэжыму ЕС у дачыненні да Беларусі.
Паводле прапановы Літвы, рэжым санкцый ЕС супраць Беларусі быў дапоўнены трыма дадатковымі крытэрыямі:
- за гібрыдныя атакі,
- за парушэнне працы крытычнай інфраструктуры,
- за дэзінфармацыю і інфармацыйныя маніпуляцыі.
На падставе гэтых крытэрыяў ЕС будзе мець падставу для ўвядзення дадатковых індывідуальных і сектаральных санкцый супраць Беларусі.
«Я задаволены тым, што Літве ўдалося дасягнуць сваёй мэты — рэжым санкцый ЕС супраць Беларусі дапоўнены крытэрыямі ў сувязі з гібрыднай дзейнасцю. Гэта дае ЕС інструменты для эфектыўнага і строгага рэагавання на шкоднасную дзейнасць цяпер і ў будучыні. Гэтым рашэннем ЕС прадэманстраваў не толькі здольнасць да палітычнай кансалідацыі перад выклікамі, але і здольнасць прымаць неабходныя рашэнні», — сказаў міністр замежных спраў Літвы Кястуціс Будрыс.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс17
Каментары