Грамадства33

«Нам самім не падабаецца». На Жлобінскім мясакамбінаце не выключылі, што заменяць скандальную сасіску

У Жлобіне з'явілася страшная сасіска, якая смажыць іншую сасіску, — скульптура, якая выклікала шум у сацсетках. Гэта арт-аб'ект мясцовага мясакамбіната, і там неафіцыйна прызналіся, што ім самым такая творчасць не прыйшлася даспадобы, піша «Белсат».

img
Скульптура «Сасіска» ў парку «Пяць стыхій» у Жлобіне. Скрыншот: zmk.by / Instagram

Жлобінскі мясакамбінат у сваіх сацсетках адсправаздачыўся, што з нагоды Года ўпарадкавання паставіў у мясцовым парку «Пяць стыхій» «маляўнічую скульптуру»:

«Стваральнікі скульптуры кажуць, што варта толькі дакрануцца ці пацерці сасіскі на мангале, і ўдача павернецца да вас тварам».

У каментарах людзі пішуць, што сасіска аўтарам не вельмі ўдалася:

«Шалапутная сасіска смажыць сваіх дзяцей, цудоўна!»

«Здаецца, гэта лішак соляў у арганізме дызайнера».

«Які горад, такія і помнікі».

@gomelnovosti3 в Жлобине поставили памятник сосиске #жлобин #жлобинбеларусь #гомельскаяобласть #беларусь #новостибеларуси #беларусьновости ♬ A tense suspense piece on the piano(1270072) - illmatic studio

У Жлобінскім райвыканкаме, куды карэспандэнт «Белсата» патэлефанаваў пад выглядам мясцовага жыхара, ад скандальнай скульптуры адхрысціліся:

«Гэта сасіска мясакамбіната. Вось хто ставіў, туды і званіце, на прадпрыемства».

На Жлобінскім мясакамбінаце карэспандэнту «Белсата» як прыватнай асобе сказалі, што акурат улады і загадалі прадпрыемству паставіць нейкую скульптуру:

«Гэта было заданне райвыканкама, а мясакамбінат ужо выконваў. Не менавіта такую кампазіцыю паставіць, гаворка ішла, каб ад мясакамбіната нешта было. Мясакамбінат за яе і заплаціў».

Рэакцыю ў сацсетках на прадпрыемстве бачаць:

«Мы чытаем каментары, бачым гэтую сітуацыю».

У кампаніі не выключылі, што «шалапутную сасіску» або паспрабуюць неяк выправіць, або цалкам заменяць:

«Пакуль не ведаем, аднак падымаем гэтае пытанне».

На пытанне, ці спадабалася ім самым гэтая скульптура, на мясакамбінаце прызналіся:

«Вядома ж, не».

Каментары3

  • Абу
    14.05.2025
    Па-мойму забаўная сасіска. Да таго ж, тыповы помнік эпохі позняга лукашызму: усхваляюць старажытную вайну і культ спажывання.
  • аўтараў шэдэўра - у студыю!
    14.05.2025
    "пацерці сасіскі" 🤣
  • "дакрануцца ці пацерці сасіскі"
    14.05.2025
    Максим Дызайнер прызнавайся. твая работа?

Цяпер чытаюць

Ціханоўскі расказаў, што трэба было рабіць у жніўні 2020-га60

Ціханоўскі расказаў, што трэба было рабіць у жніўні 2020-га

Усе навіны →
Усе навіны

«Не ведаю, што вы там выпраўлялі, але мінус як быў так і застаўся». Кліенты банкаў працягваюць скардзіцца на няправільныя балансы3

Папулярная мінская шаўрменная трапіла ў скандал. Што здарылася2

У Магілёве падчас непагадзі жанчыну забіла дрэвам, яшчэ чатыры чалавекі пацярпелі

Беларуска пасля платнай медыцыны пайшла ў дзяржаўную і расказала свае ўражанні7

У Абу-Дабі пачаліся перамовы Пашыняна і Аліева3

Чарга на польскай мяжы канчаткова рассмакталася2

Келаг: Украіне патрэбны новы «План Маршала»4

Не толькі «кітайцы». Якія бюджэтныя новыя аўто прапануе беларускі рынак8

Кіеў зазнаў масіраваную атаку дронамі і балістыкай

больш чытаных навін
больш лайканых навін

Ціханоўскі расказаў, што трэба было рабіць у жніўні 2020-га60

Ціханоўскі расказаў, што трэба было рабіць у жніўні 2020-га

Галоўнае
Усе навіны →

Заўвага:

 

 

 

 

Закрыць Паведаміць