Тут нечакана для гамельчукоў з'явіўся помнік праваслаўнаму іерарху, увекавечваннем якога мясцовыя царкоўнікі займаюцца ўжо не першы год.
На з'яўленне помніка звярнула ўвагу выданне «Флагшток».
Памятны знак у гонар архіепіскапа Арыстарха (Станкевіча) з'явіўся ў скверы па Білецкім спуску, у гістарычным ядры горада. Помнік выкананы ў выглядзе 16-тоннага каменя з рэльефнай выявай іерарха. Арыстарх быў архіепіскапам Гомельскім і Жлобінскім з 1990 года і аж да самай сваёй смерці ў 2012 годзе.
У 2022 годзе Гомельская епархія ўжо ініцыявала грамадскае абмеркаванне пра наданне гэтаму скверу імя Архіепіскапа Арыстарха. Тады Гомельскі гарвыканкам не прапанаваў іншых варыянтаў назвы для скверу.
Выданне абураецца, што Гомельская епархія вырашыла не арганізоўваць асобнае грамадскае абмеркаванне, фактычна паставіўшы гараджан перад фактам з'яўлення карпаратыўнай манументальнай кампазіцыі.
Але насамрэч у Беларусі ніколі не праводзяцца грамадскія абмеркаванні твораў манументальнага мастацтва, працэдура ўзгаднення выключае ўлік меркаванняў грамадзян.
Для стварэння твораў манументальнай скульптуры, незалежна ад крыніцы фінансавання, мясцовы выканкам дасылае ліст з абгрунтаваннем неабходнасці ў Міністэрства культуры Беларусі, якое выдае заключэнне. Больш значныя помнікі ў абласных цэнтрах Беларусі ўзгадняюцца непасрэдна з Лукашэнкам.
Паводле слоў дзейнага архіепіскапа Сцяфана, добраўпарадкаванне пляцоўкі будзе праведзена пазней «горадам», то бок за кошт гарадскога бюджэту.
«Флагшток» мяркуе, што ў будучыні епархія паспрабуе дапаўняць сквер яшчэ і культавым аб’ектам.
Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?7
Каментары