Помнік паставілі на тэрыторыі прадпрыемства «Гандальмаш». Ён прысвечаны знакамітай прадукцыі завода, паведамляе «Наш край».
Мясарубку вышынёй 3,2 метра зрабіў фаніпальскі скульптар Уладзімір Канонік. Ідэя стварэння менавіта гэтага арт-аб’екта належыць калектыву завода.
Канструкцыю можна круціць за ручку — пры гэтым у рух прыходзіць махавік, а таксама пачынае круціцца рашотка.
«Мы доўга разважалі, які арт-аб’ект стварыць, і спыніліся на бытавой мясарубцы, з якой, па сутнасці, і пачаўся «Гандальмаш». Напэўна, няма такой сям’і ў рэспубліцы, у якой не было б нашага вырабу. З моманту запуску вытворчасці мы вырабілі больш за 3 мільёны бытавых мясарубак. Так што яна па праву лічыцца сімвалам «Гандальмаша», — распавёў дырэктар прадпрыемства Сяргей Герасімчык.
Скульптура зроблена з чорнага металу і пакрыта кавальскай фарбай, устойлівай да негатыўных умоў надвор’я.
На мясарубцы размешчана мышаня — вядомы персанаж мультфільма «Рататуй».
Знутры арт-аб’ект будзе падсвятляцца рознымі колерамі.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары
набыла ў свой час беларускую.. тупая і нягеглая, що ппц
пайшла памяняла на расейскую
п.с. у нас такія металы не растуць