«Морды кіслыя. Што з тварам?» Прапагандыст Пуставы зноў раз'юшаны беларусамі
«Нармальная чалавечая прага да жыцця — радавацца новай мадэлі трактара».
У эфіры прапагандыста Рыгора Азаронка супрацоўнік СТБ Яўген Пуставы зноў стаў абурацца беларусамі. На гэты раз тым, што недастаткова радуюцца жыццю ў сваёй краіне.
«Нашы дзяды, прадзеды, яны пасля вайны хацелі жыць. Таму нягледзячы на разруху… Я цяпер не кажу, што мы павіны вярнуцца да гэтага, але я кажу як ёсць. Нягледзячы на разруху, у іх па 5-7 дзяцей было. У нашых бацькоў сясцёр тры-чатыры было.
Нармальная чалавечая прага да жыцця — радавацца сонцу, пэўным дасягненням, палёту ў космас, новай мадэлі трактара, аўтамата, новым вяршыням, новым спальным раёнам. У нас цяпер усё ёсць, ёсць, ёсць — і нічога, морды кіслыя. Што з тварам?»
— абрынуўся прапагандыст.
Нядаўна ў эфіры яны з Азаронкам гэтак жа незадаволены былі тым, што беларусы скардзяцца на цэны на бульбу і яе якасць.
«Хопіць глядзець на цэннікі — «Колькі каштуе бульба? І якіх яна памераў», — даводзіў Пуставы.
Цяпер чытаюць
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
Ў гэтым саўгасе нават бульбы няма.