Азаронак і Пуставы незадаволеныя, што беларусы святкавалі Дзень Перамогі без энтузіязму
«Вы проста прывыклі прыйсці, пастаяць ля помніка і разысціся? Хто па шашлыках раз'ехаўся, хто па Зыбіцкіх разышоўся».
12 мая ў эфіры праграмы «Азарёнок. Напрямую» прапагандысты не пакінулі па-за ўвагай выпадак з магілёўскімі школьнікамі, якія паказалі сярэднія пальцы салюту. Яўген Пуставы пачаў шукаць прычыны такіх паводзін.
«Такая краіна! «Мы памятаем»… «Беларусь памятае». Памятае… Таму што ўсё не ад душы ідзе. Пытанні ёсць і іх трэба вырашаць. І добра, што яны сябе праявілі. То-бок, гэтая амерыканская фігура, вобразная, сімвалічная нашаму параду, нашай перамозе. (…)
А чаму чэленджа і астатняга няма — давай, насячэм дроваў, вязню дапаможам. Дзе гэтыя чэледжы?
Ці вы проста прывыклі прыйсці, пастаяць ля помніка і разысціся? Хто па шашлыкам раз'ехаўся, хто па Зыбіцкім разышоўся», — пераходзячы месцамі на крык даводзіў сваю пазіцыю Пуставы і акцэнтаваў:
«Усё, што ў нас ёсць, — дзякуючы перамозе. Дзесяць вякоў дзяржаўнасці — так. Але не было б перамогі, не было б гэтых дзесяці вякоў».
«Без Магдэбургскага краіна была б, без перамогі не», — далучыўся Азаронак.
«Але Магдэбургскае права яны, пэўна, ведаюць», — заўважыў Пуставы.
«Усе ведаюць, безумоўна. Я ў школе, блін… Прымусілі, усё гэта вучылі. Ад Міндоўга да апошняга Свідрыгайлы, да апошняга Сігізмунда», — з нянавісцю згадаў школу Азаронак.
«Жыгімонт, па-мойму, там быў», — паправіў Пуставы.
«Жыгімонта, да апошніх усіх. Вось гэта вось уся, вось гэта, прабачце, нахрэн…, ну, можа, і патрэбная, вядома, але не асабліва важная для краіны. Вось гэты ўсе Свідрыгайлы і Жыгімонты — гэта, усё, зразумела, цікава», — працягнуў Азаронак.
«Але Васіля Каржа павінен ведаць кожны», — перабіў яго Пуставы, і Азаронак адразу падхапіў:
«Але Васіля Каржа ніхто не ведае. Задаю пытанне ва аўдыторыі — хто ведае Макса Каржа? Усе. Хто Васіля Каржа? Ні адзін».
«Гэта ВНУ. Гэта эліта краіны. І што мы гаворым. Гэта толькі прэзідэнту трэба. Прэзідэнт як у звон звоніць. Але кожнаму 14-гадоваму падлетку не даедзе, не дойдзе. Беларусы, прачынайцеся. Хопіць глядзець на цэннікі — «Колькі каштуе бульба? І якіх яна памераў», — даводзіў сваю пазіцыю Пуставы.
«Ой, сем рублёў». — «Ды хоць па дваццаць, блін. Задзяўблі сваёй бульбай. Жэрці і жэрці абы, і толькі ныць з гэтай нагоды», — дзікім крыкам закрычаў Азаронак.
Праўладныя каналы абурыліся паводзінамі падлеткаў падчас салюту ў Магілёве. Дзяўчатак ужо знайшлі сілавікі
Магілёўскіх дзяцей, якія паказалі сярэднія пальцы салюту, адвезлі на мемарыял і прымусілі глядзець «Ідзі і глядзі»
На Піншчыне адкрылі помнік Васілю Каржу
«Гэта не ўлада, калі яна знішчае сваіх людзей ні за што». Пра што партызаны пісалі ў сваіх дзённіках
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары
ён сябе ў люстэрке бачыў?
Круг замкнулся.